काठमाडौं, २१ असोज । ओएसआर डिजिटलका सञ्चालक ओम प्रकाश अग्रवाल पक्राउ परेका छन् ।
चलचित्र ‘प्रसाद २’ को विवादमा उनी पक्राउ परेका हुन् । चलचित्र डिजिटल राइटको विवादमा ‘प्रसाद २’ का निर्माता सुदर्शन बस्नेत र ज्याक श्रेष्ठले उजुरी दिएपछि अग्रवाल पक्राउ परेका हुन् ।
अग्रवालको ओएसआर डिजिटलले ‘प्रसाद २’को युट्युब राइट्स खरिद गरेको थियो । डिजिटल राइट्सकै विषयमा विवाद भएपछि निर्माताले अग्रवालविरुद्ध उजुरी दिएका थिए ।
अहिले उनलाई बौद्ध प्रहरी वृत्तमा राखिएको छ ।
उनलाई आजै काठमाडौं जिल्ला अदालतबाट म्याद थप गरी अनुसन्धान अगाडि बढाइने प्रहरीले जानकारी दिएको छ ।
प्रतिक्रिया