अमेरिका, १९ असोज । वरिष्ठ लोकदोहोरी गायक एवं पत्रकार रामप्रसाद खनालले अमेरिकी राष्ट्रपतिद्वारा प्रदान गरिने अमेरिकाको प्रतिष्ठित पुरस्कार ‘लाइफ टाइम एचिभमेन्ट अवार्ड’ २०२३ प्राप्त गरेका छन् ।
अमेरिकाका राष्ट्रपति जो बाइडेनले हस्ताक्षर गरेको विशेष प्रमाणपत्र सहितको पुरस्कार र ह्वाइट हाउसका तर्फबाट राष्ट्रपतिले लेखेको सम्मान पत्र प्राप्त गरेका खनाल अमेरिकामा पनि गीत संगीत, साहित्य, कलाकारिता, पत्रकारिता, विभिन्न व्यवसायहरूसँगै समाजसेवामा निरन्तर योगदान गरिरहेका छन् ।
समाजसेवाका क्षेत्रमा क्रियाशील खनालले स्वयमसेवकका रूपमा अमेरिकामा पुर्याएको विशेष योगदानको अमेरिकी राष्ट्रपति बाइडेनले सम्मान पत्रमा प्रशंसा गरेका छन् ।
खनाल विगत चार दशक देखी गीत संगीत, साहित्य, कलाकारितामा संलग्न रहँदै आएका छन् भने साढे तीन दशक यता पत्रकारिता र विभिन्न व्यापार, व्यवसायमा पनि संलग्न छन् । नेपालमा नेपाल सरकारको तर्फबाट रेडियो नेपालद्वारा विशिष्ट लोकदोहोरी गायकका रूपमा प्रमाणित र सम्मानित उनी विगत सत्र वर्ष देखी अमेरिकामा बसोबास गर्दै आएका छन् । खनाल नेपालमा पनि राष्ट्रिय पुरस्कार प्रख्यात त्रिशक्ति पट्ट, गोरखा दक्षिण बाहु लगायतका कैयौँ राष्ट्रिय पुरस्कार, सम्मान, अभिनन्दन प्राप्त गर्ने व्यक्तित्व हुन् ।
अमेरिकामा अतिरिक्त क्षमतावान व्यक्तिहरूलाई अमेरिकाले प्रदान गर्ने एक्स्ट्रा अर्डिनरी एबिलिटी इवी वान अन्तर्गतको विशेष ग्रीनकार्ड प्राप्त गरी यहाँ बस्दै आएका खनाल नेपाली अमेरिकन समुदाय, एसियन अमेरिकन समुदाय र समग्रमा अमेरिकी समुदायमा पनि उत्तिकै क्रियाशील छन् ।
हाल सम्म उनका हजार भन्दा बढी गीत संगीत, पन्ध्र सय भन्दा बढी कविता गजल मुक्तक, ५२ वटा गीति एल्बम, १८ वटा विभिन्न विषयका पुस्तकहरू प्रकाशित छन् भने उनका गीत संगीत अन्तर्राष्ट्रिय प्लेटफर्महरू एमाजोन, सिडी बेबी, एपल म्युजिक लगायतमा पनि उपलब्ध छन् ।
खनाल अन्तर्राष्ट्रिय नेपाली साहित्य समाज, वासिङ्टन डिसी मेट्रो कमिटीका पूर्व अध्यक्ष, लुम्बिनी संगीत कला तथा साहित्य प्रतिष्ठानका संस्थापक महासचिव, राष्ट्रिय पत्रकार महासंघका संस्थापक महासचिव, दक्षिण एसियाली पत्रकार महासंघका संस्थापक महासचिव, इन्टरनेट मिडिया एन्ड इन्भेस्टमेन्ट हाउसका अध्यक्ष पनि हुन् ।
‘भेलु बाजे’को निधन 
देशभर इन्टरनेट सेवामा समस्या
सिधा कुरालाई अडिओ दिने तिमिल्सिनालाई पनि सर्वोच्चले बयानका लागि बोलायो
सुदूरपश्चिम विश्वविद्यालयको उपकुलपतिमा पन्त नियुक्त
पूर्वराजा ज्ञानेन्द्र र कोमलले मनाए वैवाहिक वर्षगाँठ
मोरङमा वीभत्स अवस्थामा एक महिलाको शव फेला
एमालेको पर्सा अध्यक्षमा शर्मा
कक्षा १२ को परीक्षा दिएर फर्किरहेकी छात्रामाथि गोली प्रहार
उपनिर्वाचनपछि देखिएको हार्दिकता : ‘बधाई सुहाङ, बधाई एमाले !’
गण्डकी प्रदेशका मुख्यमन्त्री अधिकारीले आइतबार विश्वासको मत लिने
सातै प्रदेशमा एयर एम्बुलेन्सको अवधारणा अघि सारौं : गृहमन्त्री
जापान पठाइदिने भन्दै तीन करोड रुपैंयाँ ठगी गर्ने पक्राउ
ज्येष्ठ पत्रकारहरूका लागि जीवन निर्वाह भत्ताको व्यवस्था गरिनेछ : प्रधानमन्त्री
