मकवानपुर, १७ असोज । बागमती प्रदेश सभाको बैठक आज बस्दैछ । गत सोमबार विवादकाबीच स्थगित भएको बैठक आज बुधबार दिउँसो ४ बजे बजेका लागि बोलाइएको छ ।
प्रमुख प्रतिपक्षी नेकपा (एमाले)ले सोमबार विवादास्पद चिट्ठा विधेयकको विरोध जनाउँदै बैठक अवरुद्ध गरेको थियो । बैठक अवरुद्ध भएपछि सभामुख भुवन पाठकले १५ मिनेटका लागि स्थगित गरेका थिए ।
पछि पुनः बस्न नसके पछि मंगलबार दिउँसो २ बजेका लागि बैठक बोलाइएको थियो । तर मंगलबार बैठक नै नबसी बुधबारसम्मका लागि बैठक स्थगित गरिएको छ ।
चिट्ठा विधेयक गत वैशाख १२ गते संसदबाट पारित भइ प्रदेश प्रमुख कार्यालयमा गएको थियो तर प्रदेश प्रमुख यादवचन्द्र शर्मा समक्ष प्रमाणीकरणका लागि पेश भएको उक्त विधेयक फिर्ता गरिदिएका थिए ।
गत जेठ ७ गते पुनः संसदमा फिर्ता भएको उक्त विधेयकमा भएका त्रुटिहरू सच्याउन सुझाव सहित पुनः छलफलका लागि प्रदेश प्रमुख शर्माले संसदमा फिर्ता पठाएका थिए । तर, सोही फिर्ता भएको चिठ्ठा विधेयक सरकारले एकाएक सोमबारको बैठकमा पेश गर्न खोजे पछि बैठकमा विवाद भएको थियो ।
प्रतिक्रिया