एमाले कोशी प्रदेशको नेतृत्व चयनका लागि आज मतदान

विराटनगर, १४ असोज । नेकपा (एमाले) कोशी प्रदेशको नयाँ नेतृत्व चयनका लागि आज आइतबार मतदान हुँदैछ । प्रदेश निर्वाचन कमिटीले सार्वजनिक गरेको कार्यतालिका अनुसार बिहान ११ बजेबाट अपरान्ह ४ बजेसम्म मतदान हुनेछ ।

निर्वाचन तालिका अनुसार उम्मेदवारको नाम फिर्ता लिने समय आज बिहान ७ बजेसम्मका लागि निर्धारण गरिएको छ । उम्मेदवारको अन्तिम नामावली प्रकाशन बिहान ७ः१५ बजे हुनेछ ।

सहमतिको प्रयास असफल भएपछि कोशीमा मतदानबाट नेतृत्व चयन हुन लागेको हो । प्रदेश अध्यक्षका लागि विनोद ढकाल र घनश्याम खतिवडाले उम्मेदवारी दर्ता गराएका छन् । निर्वाचनबाट पाँच पदाधिकारीहरुसहित दुईसय १५ सदस्यीय प्रदेश कमिटी निर्वाचित हुनेछ ।