एमाले बाग्मती प्रदेश अधिवेशन: निर्वाचन कार्यतालिका परिवर्तन

काठमाडौं, १० असोज । नेकपा एमाले बागमती प्रदेश अधिवेशन अन्तर्गत प्रदेशको नयाँ नेतृत्वका लागि हुने निर्वाचनको लागि निर्वाचन तालिका परिवर्तन गरिएको छ ।

यसअघि तय निर्वाचन तालिकामा हेरफेर गरिएको हो । जसअनुसार दिउँसो ३ बजे मनोनयन फारम वितरण गरिएको छ भने ४ बजेदेखि ६ बजेसम्म मनोनयन दर्ता गरिने भएको छ ।

साँझ ७ बजे मनोनयन प्रारम्भिक नामावली प्रकाशन गरिनेछ ।

नयाँ तालिकाअनुसार राति ८ बजे उमेदवारको अन्तिम नामावली प्रकाशन गरिने छ । यस्तै, भोलि बिहान मतदान सुरु हुने। मतदाता नामावली भने यसअघि नै प्रकाशन भइसकेको छ ।