सुन तस्करी प्रकरण : २९ जनाविरुद्ध मुद्दा दायर, तीन अर्व रुपैयाँ विगो दाबी

काठमाडौं, ३१ भदौ । ६१ किलो सुन तस्करी प्रकरणमा जिल्ला सरकारी वकिलको कार्यालयले आज २९ जनाविरुद्ध जिल्ला अदालत काठमाडौँमा मुद्दा दायर गरेको छ ।

नेपाल प्रहरीको केन्द्रीय अनुसन्धान ब्युरो (सीआईबी) को अध्ययन प्रतिवेदनअनुसार मुद्दा दायर गरेको जिल्ला अदालत काठमाडौंले जनाएको छ ।

अभियोगपत्रमा २९ जनालाई प्रतिवादी बनाउन माग गरिएको छ भने तीन अर्ब ५० करोड ३० लाख ९१ हजार रुपैयाँ बिगो दाबी गरिएको छ ।