काठमाडौं, २५ भदौ । डिजिटल वालेट ‘आईएमई–पे’ले एयरलाइन्स टिकट खरिद गर्दा प्रोमो कोडको प्रयोगमार्फत फ्ल्याटमा रू. ५०० क्यासब्याक प्रदान गर्ने अफर सार्वजनिक गरेको छ ।
अफरअन्तर्गत सेवाग्राहीले आईएमई–पेमार्फत पहिलो पटक टिकट खरिद गर्दा FLYIMEU प्रोमो कोड प्रयोग गरी रू. ५०० क्यासब्याक प्राप्त गर्न सक्नेछन् ।
सेवाग्राहीहरूलाई विद्युतीय भुक्तानी माध्यममार्फत सहजै एयरलाइन्स टिकट काट्न प्रोत्साहन गर्ने उद्देश्यका साथ ल्याइएको यो अफर यही भदौ २४ देखि सुरू भएको र पहिलो १००० योग्य सेवाग्राहीलाई प्रदान गरिने कम्पनीले जनाएको छ ।
यो अफर पहिलो पटक एयरलाइन्स टिकट काट्ने सेवाग्राहीहरूलाई सीमित अवधिका लागि मात्र भएको बताइएको छ ।
प्रतिक्रिया