राहुल महरालाई पाँच दिन हिरासतमा राख्न अदालतको अनुमति

काठमाडौं, १३ भदौ । इलेक्ट्रिक चुरोट (भेप) मा लुकाएर सुन तस्करी गरेको प्रकरणमा पक्राउ परेका पूर्व सभामुख कृष्णबहादुर महराका छोरा राहुल महरालाई पाँच दिन हिरासतमा राख्न अदालतले अनुमति दिएको छ ।

काठमाडौं जिल्ला अदालतले उनलाई पाँच दिन हिरासतमा राखेर अनुसन्धान गर्न प्रहरीको केन्द्रीय अनुसन्धान ब्युरो (सिआइबी) लाई अनुमति दिएको हो ।  राहुल आजै पक्राउ परेका हुन् ।

भेपमा लुकाएर सुन तस्करी गरेको प्रकरणमा बुबा कृष्णबहादुर महरासँगै राहुल पनि मुछिएका थिए ।

बुबा छोराले नै सुन ल्याउने चिनियाँ तस्करसँग पटक-पटक सम्पर्क गरेको सीआईबीको अनुसन्धानबाट खुलेको छ ।