काठमाडौं, २६ साउन । एक क्विन्टल सुन तस्करी प्रकरणको छानबिन गर्न उच्चस्तरीय संसदीय छानबिन समिति गठन गर्नुपर्ने माग गर्दै प्रमुख प्रतिपक्ष दल नेकपा एमालेले पछिल्लो केही दिनयता संसद चल्न दिएको छैन ।
एमालेले संसद चल्न नदिएको भन्दै सत्ता पक्षका सांसदहरूले पनि सदनको अवरोधलाई सघाउ पुर्याउँदै होहल्ला र नाराबाजीको शैली अपनाउन थालेका छन् । प्रतिपक्ष दलका नेताहरूले सुन तस्करी प्रकरणबारे कुरा राखिरहँदा त्यसलाई रोक्न वा ढाकछोप गर्न सत्ता पक्षका सांसदहरूले ‘सदन चल्न दिनुपर्छ’ भन्दै हो–हल्ला गरेर विषयान्तर गर्न खोजिरहेका छन् ।
यसबाट सरकार, सरकारमा संलग्न व्यक्ति र सत्तारुढ दलका नेताहरू आत्तिको पुष्टि भइरहेको कतिपयको बुझाइ छ ।
यसैबीच पूर्व माओवादी नेता एवम् नेपाल समाजवादी पार्टीका अध्यक्ष डा बाबुराम भट्टराईले संसदमा एमालेले गरेको माग जायज भएको तथा माओवादी लडाकु शिविर (क्यान्टोनमेन्ट) मा भएको घोटालाको पनि छानबिन हुनुपर्ने र त्यसका लागि उच्चस्तरीय छानबिन आयोग गठन गरिनुपर्ने धारणा व्यक्त गरेका छन् ।
यस्तै शैक्षिक प्रमाणपत्र कीर्ते गरेको अभियोगमा हिजो पक्राउ परेका नेपाली कांग्रेसका सांसद सुनील शर्मा आज रिहा भएका छन् । उनलाई थुनाबाहिरै राखेर अनुसन्धान गर्न सर्वोच्च अदालतले आदेश दिएसँगै रिहा गरिएको हो । तर, उनीसँगै पक्राउ परेका अन्य सात जना अझै थुनामै छन् ।
हेरौँ आज दिनभरका मुख्य–मुख्य समाचारका हेडलाइनहरू–
(नोट: हाम्रो यो बुलेटिन तयार पार्दासम्म सांसद शर्मा थुनामै रहेकाले ‘पक्राउ’ उल्लेख गरिएको हो ।)
‘भेलु बाजे’को निधन 
ब्याण्डविथको रकम भुक्तानी नगर्दा इन्टरनेट सेवामा समस्या
सिधा कुरालाई अडिओ दिने तिमिल्सिनालाई पनि सर्वोच्चले बयानका लागि बोलायो
सुदूरपश्चिम विश्वविद्यालयको उपकुलपतिमा पन्त नियुक्त
मोरङमा वीभत्स अवस्थामा एक महिलाको शव फेला
यस्तो छ आजको विदेशी मुद्रा विनिमय दर, कुन देशको कति ?
ट्राफिक सचेतनामा राजेश हमाल
ग्लोबल आइएमई बैंकको प्लास्टिक खपत न्यूनीकरणमा प्रतिबद्धता
सुस्ताको विरोध गर्दा मलाई जेल कोच्नेहरूले राष्ट्रियताको कुरा गर्दैछन् : केपी शर्मा ओली
मुलुकको सम्वृद्विको नेतृत्व एमालेले गर्छ : मुख्यमन्त्री कँडेल
भारतका प्रधानन्यायाधीश चन्द्रचुड नेपालमा
६ जना सचिवको सरुवा
सय रुपैयाँको नोटमा चुच्चे नक्सा राख्ने सरकारको निर्णय
एमालेको पर्सा अध्यक्षमा शर्मा
