काठमाडौं, १८ साउन । प्रधानन्यायाधीशमा विश्वम्भरप्रसाद श्रेष्ठ सिफारिस भएका छन् ।
आज बसेका संवैधानिक परिषद्को बैठकले उनको नाम सिफारिस गरेको हो ।
उमेर हदका कारण प्रधानन्यायाधीश हरिकृष्ण कार्कीको पदावधि यही साउन २० गते सकिँदै छ । त्यसको एक महिनाअगाडि नै प्रधानन्यायाधीश सिफारिस गरिसक्नु पर्ने संवैधानिक व्यवस्था छ ।
श्रेष्ठको नाम संसदीय सुनुवाइ विशेष समितिबाट नाम अनुमोदन भए उनी ३१औं प्रधानन्यायाधीश बन्नेछन् ।
बैठकले महालेखा परीक्षक, निर्वाचन आयुक्त, प्राकृतिक स्रोत तथा वित्त आयोगको सदस्य र मुस्लीम आयोगको सदस्य नियुक्तिका लागि प्रक्रिया अगाडि बढाउने पनि निर्णय गरेको छ ।
उक्त निकायमा नियुक्तिका लागि इच्छुकहरूबाट आवदेन लिनका लागि १५ दिनको सूचना प्रकाशित गरिने बताइएको छ ।
प्रतिक्रिया