काठमाडौं, ११ साउन । नेपाली कांग्रेस गोरखा क्षेत्र नम्बर २ (क) का पार्टी सभापति नारायण गुरुङ (दीर्गमान गुरुङ) जेल चलान भएका छन् ।
सरकारी दस्तखत कीर्ते कसुरमा दोषी ठहर भएपछि उनी कारागार चलान भएका हुन् ।
सरकारी दस्तखत किर्ते कसुरमा उनलाई २०६१ साल जेठ १८ गते एक वर्ष कैदको फैसला सुनाएको थियो । यो बीचमा उनी प्रहरीको फरार सूचीमा थिए ।
उनलाई केही समयअघि काठमाडौंबाटै प्रहरी वृत्त सोह्रखुट्टेबाट खटिएको प्रहरी टोलीले पक्राउ गरेको थियो । त्यसपछि अदालती प्रक्रिया पूरा गरेर उनलाई असार २० गते कारागार चलान गरिएको हो । अहिले उनी डिल्लीबजारस्थित कारागारमा छन् ।
गोरखाको पालुङटार नगरपालिका वडा नं ३ साविक आँपपीपल गाविस वडा नं २ का स्थायी बासिन्दा गुरुङले नागरिकता, राहदानीसँगै नक्कली सरकारी कागजात तयार पारी दस्तखत पनि नक्कली नै गरेको पाइएको छ ।
जेल चलान भएसँगै उनलाई कांग्रेस गोरखाले पनि उनलाई कारबाहीको तयारी गरेको छ ।
प्रतिक्रिया