माल्टा, ७ साउन । आगामी साउन १४ (जुलाई ३०) मा युरोपिय मुलुक माल्टामा हुन गइरहेको गैरआवासीय नेपाली संघ राष्ट्रिय समन्वय परिषद् (एनआरएनए) माल्टाको निर्वाचन (२०२३–२०२५) को चुनावी सरगर्मी ह्वात्तै बढेको छ ।
अर्को साता हुने सो निर्वाचनका लागि अध्यक्षका उम्मेदवार रोशन गिरी नेतृत्वको टीमले उम्मेदवारी दर्ता गराएको छ । उनको टीमबाट विरोजंग पाण्डेले महासचिव पदमा उम्मेद्वारी दर्ता गराएका छन् ।
अध्ययनको सिलसिलामा माल्टा पुगेका पोखराका गिरी एनआरएनए माल्टाका निर्वतमान महासचिव पनि हुन् । त्यस्तै, महासचिवमा उम्मेद्वारी दिएका पाण्डे प्रवासी नेपाली मञ्च माल्टाका निवतर्मान सचिव हुन् ।
दोलखाबाट रोजगारीको सिलसिलामा प्रवास पुगेका पाण्डे स्वदेशमै रहँदा विद्यार्थी राजनीति हुँदै विभिन्न सामाजिक संघ–संस्थामार्फत सामाजिक अभियान र सहकारी अभियानमा पनि क्रियाशील थिए ।
त्यस्तै, ६ वर्षदेखि माल्टामा विभिन्न सामाजिक अभियानमार्फत जोडिएर प्रवासी नेपाली मञ्चको नेतृत्व सम्हालिसकेका निवतर्मान अध्यक्ष सत्यनारायण झाले उपाध्यक्षमा उम्मेद्वारी दर्ता गराएका छन् । उनले एनआरएनए माल्टाको दोस्रो अधिवेशनमा निर्वाचन समितिमासमेत रहेर जिम्मेवारी निर्वाह गरेका थिए । उनी माल्टामा करिब सात वर्षदेखि विभिन्न सामाजिक अभियानमा नेतृत्वदायी भूमिकामा रहेर खटिँदै आएका छन् ।
निर्वाचन समितिको पछिल्लो तथ्यांकअनुसार आगामी नेतृत्वका लागि अध्यक्ष र महासचिवसहितको पदाधिकारी तथा सदस्यसहित ६० जनाले उम्मेद्वारी दर्ता गराएका छन् । ३ हजार १०८ मतदाता एनआरएनए माल्टाको निर्वाचनमा अनलाईन भोटिङ प्रणालीबाट मतदान गराउने तयारी छ ।
अध्यक्षमा उम्मेद्वारी दर्ता गराउनेमध्येका २७ वर्षीय गिरी विजयी बने एनआरएनएको इतिहासमा अहिलेसम्मकै कान्छा अध्यक्ष बन्नेछन् । निवतर्मान अध्यक्ष भुवन अर्यालले भने आईसीसी सदस्यका लागि उम्मेद्वारी दर्ता गराएका छन् । अर्याल टीममा महासचिव रहेका गिरीले यसअघि एनआरएनए माल्टाको युवा संयोजकका रूपमा समेत सफल नेतृत्व गरिसकेका छन् ।
उता, महासचिवका उम्मेद्वार पाण्डे दुई/तीन वर्षको छोटो अवधिमै त्यहाँ रहेका प्रवासी नेपालीहरूको समस्या सम्बोधनका लागि पहल गर्न अहोरात्र खटिएर प्रशंसा बटुल्दै आएका छन् । उनले सामाजिक सञ्जाल, कुटनीतिक समन्वय र सम्वादमार्फत त्यहाँ रहेका नेपालीहरूको अस्थायी कार्ड र बसोबासको समस्या, भिसाको समस्या, कानुनी समस्या भोगिरहेका नेपालीहरूको समस्या समाधानका लागि अग्रशरता देखाएर लोकप्रियता बटुल्दै आएका छन् ।
गिरी, पाण्डे, झासहितका उम्मेद्वारहरूले नेतृत्वमा आएपछि गरिने कामका बारेमा दुई दर्जनभन्दा बढी प्रतिबद्धता अगाडि सारेर चुनावी प्रचार अभियानलाई तीव्र बनाएका छन् ।
इराकी टिकटक स्टार फहादको गोली हानी हत्या
आज कति छ सुनचाँदीको मूल्य ?
सात जिल्लामा हात्तीपाइलेविरुद्धको औषधि खुवाइँदै
मोबाइलमा चर्को बोल्दा हत्या, घटनाको ९ वर्षपछि अभियुक्त पक्राउ
इलाम-२ : एमालेका सुहाङको अग्रता फराकिलो बन्दै (अपडेट)
सुरु भयो लगानी सम्मेलन
पदमको नयाँ गीतमा किरण र एलिसाको प्रेम
वीरगञ्जमा अवैधरूपमा सञ्चालित शैक्षिक संस्थामा सिलबन्दी
बझाङमा कांग्रेससँगको मतान्तर घटाउँदै एमाले, ८३ मतले पछाडि
ग्लोबल आइएमई बैंकको आवास कर्जा, ८.९९ प्रतिशत स्थिर ब्याज दर
‘तारक मेहताका उल्टा चश्मा’का कलाकार गुरुचरण बेपत्ता
इलाममा तीन स्थानबाट मतगणनाको तयारी
