काठमाडौं, ४ असार । सरकारको नेतृत्व गरिरहेको नेकपा माओवादी केन्द्रका सांसद देवेन्द्र पौडेलले बागलुङ र पूर्वी रुकुमको सीमानामा पर्ने उत्तरगङ्गा जलाशययुक्त परियोजनालाई बजेटमा किन नसमेटिएको भन्दै सरकारलाई प्रश्न गरेका छन् ।
प्रतिनिधि सभाको आजको बैठकमा विनियोजन विधेयक, २०८० अन्तर्गत सञ्चार तथा सूचना प्रविधि, परराष्ट्र र ऊर्जा, जलस्रोत तथा सिँचाइ मन्त्रालयका विनियोजन शीर्षकमाथिको छलफलमा भाग लिँदै उनले प्रस्तुत बजेटबाट उत्तरगङ्गा जलाशययुक्त परियोजना हराएकाले यसको खोजी गर्न ऊर्जा, जलस्रोत तथा सिँचाइमन्त्री शक्तिबहादुर बस्नेतसँग अनुरोध गरेका छन् ।
‘सबैभन्दा सस्तो र भरपर्दो परियोजना भनेर विज्ञले भनेका छन् तर बजेटमा कहिले पनि पर्दैन, किन होला माननीय मन्त्री ज्यू ?,’ बागलुङका सांसद पौडेलले प्रश्न गर्दै भने, ‘किन यो आयोजना बजेटमा परिरहेको छैन ?’
प्रतिक्रिया