सर्वोच्चलाई रविको जवाफ- मुद्दा चल्ने वा नचल्ने निर्णय गर्ने अधिकार महान्यायाधिवक्तालाई छ

काठमाडौं, १८ वैशाख । राष्ट्रिय स्वतन्त्र पार्टीका सभापति रवि लामिछानेले राहदानी विवादमा सर्वोच्च अदालतमा जवाफ पठाइएका छन् ।

लामिछानेले मुद्दा चलाउने वा नचलाउने अधिकारी महान्यायाधिवक्ताको भएको उल्लेख गर्दै रविले महान्यायाधिवक्ता कार्यालयको निर्णयविरूद्व दायर रिट खारेज हुनुपर्ने दाबी गरेका हुन् ।

नागरिकता विवादमा सर्वोच्चले फैसला गरेको र सोही अनुरुप आफूले पुन: नागरिकता प्राप्तिको प्रक्रियासमेत पूरा गरेको दाबी गरेका छन्।

जिल्ला सरकारी वकिल, उच्च सरकारी वकिल हुँदै महान्यायाधिवक्ता कार्यालयमा समेत तहगत टिप्पणी उठाएर मुद्दा नचल्ने निर्णय भएको र मुद्दा चल्ने वा नचल्ने निर्णय गर्ने अधिकार महान्यायाधिवक्तालाई नै भएकाले यसमा थप रिट दायर गर्नुको औचित्य नहुने उनले बताएका छन् ।

राहदानी विवादमा रविलाई सफाई दिने महान्यायाधिवक्ता कार्यालयको निर्णयविरूद्व युवराज सफल लगायतले सर्वोच्चमा रिट दायर गरेका थिए। रिटमा सुनुवाइ गर्दै सर्वोच्चले कारण देखाउ आदेश जारी गर्दै लिखित जवाफ माग गरेको थियो।