एसीसी प्रिमियर कपको फाइनल आजः उपाधिका लागि नेपाल र युएई भिड्दै

काठमाडौं, १८ वैशाख । काठमाडौंमा जारी एसीसी प्रिमियर कप क्रिकेट प्रतियोगिताको फाइनल खेल आज हुँदैछ ।

उपाधिका लागि घरेलु टोली नेपाल र संयुक्त अरब इमिरेट्स (युएई)बीच प्रतिस्पर्धा हुँदैछ । कीर्तिपुरस्थित टियु क्रिकेट मैदानमा हुने फाइनल खेल बिहान ९ बजेबाट सुरु हुनेछ ।

उपाधि जित्ने टोलीले आगमी सेप्टेम्बरमा पाकिस्तानमा हुने एसिया कप खेल्न पाउनेछ । नेपालले उपाधि जित्न सके एसिया कपमा भारत र पाकिस्तानसँग खेल्न पाउनेछ ।

फाइनलमा पुगेसँगै नेपाल र युएई एसीसी इमर्जिङ टिम्स एसिया कपको लागि छनोट भएको भइसकेको छ । प्रतियोगिताको तेस्रो बन्दै ओमान पनि एसीसी इमर्जिङ कपमा छनोट भएको छ ।