सर्वदलीय बैठकपछि काँग्रेसका श्रेष्ठ र एमालेका न्यौपानेले रविसँग खिचाए तस्वीर

काठमाडौं, ११ वैशाख । चितवन २ को मतगणना दिउँसो १ बजेबाट सुरू हुने भएको छ ।

सर्वदलीय बैठकले मतगणना १ बजेबाट गर्ने सहमति भएको हो ।

यसअघि नेपाली काँग्रेस र नेकपा एमालेका उम्मेदवारले राष्ट्रिय स्वतन्त्र पार्टीका उम्मेदवार रवि लामिछानेलाई निर्वाचन आचारसंहिता उल्लंघनमा कारबाही नगरेसम्म मतगणना सुरू हुन नदिने अडान राखेका थिए ।

यसैबीच, सर्वदलीय बैठकमा सहमति जुटेसँगै तीनै जना उम्मेदवारहरूले संयुक्त तस्वीर खिचाएका थिए ।

नेपाली काँग्रेसका उम्मेदवार जितनारायण श्रेष्ठ, नेकपा एमालेका उम्मेदवार रामप्रसाद न्यौपानेले रवि लामिछानेसँग तस्वीर खिचाएका हुन् ।