सुन तोलामा १२ सय र चाँदी २५ रुपैयाँले बढ्यो

काठमाडौं, ९ चैत । नेपाली बजारमा आज बिहीबार सुनचाँदीको मूल्य बढेको छ ।

बुधबार प्रतितोला २ हजार रुपैयाँले घटेको छापावाल सुनको मूल्य बिहीबार १२ सयले बढेर १ लाख ९ हजार रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।

यसअघि बुधबार १ लाख ७ हजार ८ सय रुपैयाँमा कारोबार भएको थियो ।

यसैगरी, आज तेजाबी सुन प्रतितोला १ लाख ८ हजार ५ रुपैयाँमा कारोबार भइरहेको छ ।

यता आज चाँदीको मूल्य पनि बढेको छ । महासंघका अनुसार बिहीबार चाँदी २५ रुपैयाँले बढेर प्रतितोला १ हजार ३६० रुपैयाँमा कारोबार भइरहेको छ ।

यसअघि बुधबार चाँदी प्रतितोलामा ५ रुपैयाँले घटेर १ हजार ३ सय ३५ रुपैयाँमा कारोबार भएको थियो ।