चितवन, ६ चैत । कलेज अफ मेडिकल साइन्सेस शिक्षण अस्पताल (पुरानो मेडिकल कलेज) भरतपुरले साइकल र्याली आयोजना गरी विश्व मुख स्वास्थ्य दिवस मनाएको छ ।
दिवसको अवसरमा जनचेतना जागृत गर्न साइकल र्याली आयोजना गरिएको बताइएको छ ।
अस्पताल प्राङ्गणबाट शुरु भएको साइकल र्याली दीपेन्द्रचोक, लायन्सचोक, पुलचोक हुँदै गैंडाकोटको मौलाकालिका फेदी पुगेको थियो । र्याली पुन: कलेज प्राङ्गणमा आएर समापन भएको थियो ।
र्यालीमा सहभागीहरूले मुख स्वास्थ्यसम्बन्धी विभिन्न जनचेतनामूलक नारा अंकित प्लेकार्ड बोकेका थिए । हरेक वर्ष २० मार्चका दिन विश्व मुख स्वास्थ्य दिवस मनाइन्छ ।
प्रतिक्रिया