काठमाडौं, ४ चैत । नेपाली सेनाका पूर्वब्रिगेडियर जनरल डा. प्रेम सिंह बस्न्यातले नेपाली कांग्रेसले कहिल्यै पनि नेपाली सेनालाई माया नगरेको दु:खेसो गरेका छन् ।
शुक्रबार काठमाडौंमा आयोजित अन्तक्रिया कार्यक्रममा उनले नेपाली सेनाले घुस नखाएकै कारण कुनै पनि पार्टीको माया नपाएको दाबी गरे ।
‘नेपाली काङ्ग्रेसले नेपाली सेनालाई कहिले पनि माया गर्दैन । जहिलेदेखि नेपाली काङ्ग्रेस सरकारमा आयो हाम्रो भत्ता काटेको छ, विदाको पैसा काटेको छ, लप्टनलाई सुब्बा बनाउँछ के गर्छ के गर्छ,’ उनले भने ।
झिंगाले सरापेर डिंगो मर्दैन भन्दै नेपाली कांग्रेसको खोल ओडेर खुट्टा तान्नेहरुलाई नेपाली सेनाले के–के काट्न सक्छ त्यो पनि याद गर्न चेतावनी दिएका छन् ।
देशको सार्वभौमसत्ता बचाउनुपर्र्छ भन्दै उनले पुर्खाहरूले जोसका साथ देश बचाउन अगाडि बढ्नु पर्छ भन्ने गरेको स्मरण सुनाउँदै उनले माओवादीले चाहिँ आफू पछाडि बसेर अरूलाई धकेल्ने काम गरिरहेको टिप्पणी गरेका छन् ।