काठमाडौं, २७ फागुन । देशको हित छोडेर विदेशीको स्वार्थपूर्तिका लागि गठन भएको पछिल्लो १० दलीय गठबन्धन उपराष्ट्रपतिको साझा उम्मेदवार तय गर्न असफल भएका छन् ।
फलस्वरुप एउटै दलबाट दुई जनासहित गठबन्धन्धनबाट तीन जनाले उम्मेदवारी दिएका छन् । गठबन्धनमा दल धेरै भएकै कारण किचलो बढेको छ । यसले देश र जनताको हितमा काम गर्नुपर्ने समयमा सरकार आफूलाई जोगाउने ध्याउन्नमा अलमलिरहेको छ ।
हेरौँ आज दिनभरका मुख्य–मुुख्य समाचारमा हेडलाइनहरू–
१. को बन्दैछन् तेस्रो उपराष्ट्रपति ? : उपराष्ट्रपति निर्वाचनका लागि नेकपा एमालेकी अष्ट्रलक्ष्मी शाक्य, जनमत पार्टीकी ममता झा तथा जसपाका रामसहाय प्रसाद यादव र प्रमिला कुमारी यादवले गराए उम्मेदवारी दर्ता, एउटै दलबाट पर्यो दुई जनाको उम्मेदवारी ।
२. गठबन्धन असफल : उपराष्ट्रपति निर्वाचनका लागि साझा उम्मेदवार तय गर्न कांग्रेस र माओवादीसहितका १० दलीय सत्ता गठबन्धन असफल, गठबन्धनबाटै पर्यो तीन जनाको उम्मेदवारी ।
३. गठबन्धन महिलाविरोधी हो : वर्तमान सत्तारूढ गठबन्धन महिला विरोधी भएको नेकपा एमालेका अध्यक्ष केपी शर्मा ओलीको भनाइ, कानुन छलेर राज्यका हरेक निकायमा महिलालाई पछाडि पार्ने काम गरिरहेको आरोप ।
४. एउटै दलबाट दुई जना उम्मेदवार : जनता समाजवादी पार्टीको संसदीय दलका नेता समेत रहेका उपराष्ट्रपति पदका उम्मेदवार रामसहाय प्रसाद यादवविरूद्व पर्यो उजुरी, यादवको उम्मेदवारी नेपालको संविधानको धारा ७० को व्यवस्था अनुसार प्रतिकुल भएको उजुरीकर्ताको दाबी ।
५. आगलागीले खोस्यो रामबहादुरको खुशी : उदयपुरको रौतामाई गाउँपालिका–८ मा अवस्थित रामबहादुर बुर्जाको घरमा विजुली सर्ट भइ आगलागी हुँदा जलेर ६ वर्षीया छोरी जस्मिन र दुई वर्षीय छोरा रोजनको मृत्यु, आगलागीबाट १० लाख भन्दा बढीको क्षति भएको अनुमान ।
६. गठबन्धनद्वारा गलत व्याख्या : उपराष्ट्रपतिबारे सत्तारुढ गठबन्धन दलहरूले गरेको व्याख्या संविधानको भावना र मर्मविरीत भएको नेकपा एमालेको ठहर, राष्ट्रपति र उपराष्ट्रपतिका सम्बन्धमा संविधानमा भएको समावेशी व्यवस्थालाई गलत व्याख्या नगर्न आग्रह ।
७. एमाले अखिलले खोल्यो जितको खाता : अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु)ले स्वतन्त्र विद्यार्थी युनियनको निर्वाचनमा गर्यो विजयी सुरूवात, गुल्मीको मजुवास्थित टीकाराम बहुमुखी क्याम्पसमा अनेरास्ववियुका आकाश खरेल निर्विरोध निर्वाचित ।
८. पालिका अध्यक्षलाई कारबाहीको माग : सिरहामा भएका छुवाछूतसम्वन्धी घटनामा संलग्न रहेको भन्दै भगवानपुर गाउँपालिका अध्यक्ष उग्रनारायण यादवलाई कारबाही गर्न विभिन्न राजनीतिक दलनिकट भ्रातृ संगठन र दलित संघ/संस्थाहरूको माग, अध्यक्ष यादवले आफ्नी आमाको १३औँ दिनको पुण्य थितिमा दलित र गैरदलित छुट्टयाएको आरोप ।
९. सत्तागठबन्धननिकट विद्यार्थीहरू एकैठाउँ : आगामी चैत ५ गते हुने स्वतन्त्र विद्यार्थी युनियनको निर्वाचनमा सत्ता गठबन्धननिकट तीन विद्यार्थी संगठनहरूले गरे उपत्यकाका २८ वटा क्याम्पसमा चुनावी तालमेल, नेविसंघ, अखिल क्रान्तिकारी र नेकपा एसनिकट संगठनले तालमेल गर्दा अनेरास्ववियु एक्लै मैदानमा ।
१०. नेकपा एसका विद्यार्थीले मच्चाए आरआरमा आतंक : स्ववियु निर्वाचनको मनोनयन दर्ताका क्रममा काठमाडौंको प्रदर्शनीमार्गस्थित रत्नराज्यलक्ष्मी क्याम्पसमा एमालेनिकट विद्यार्थीमाथि खुकुरी प्रहार, नेकपा एसका विद्यार्थीले खुकुरी प्रहार गर्दा राज न्यौपाने, अनिल बोहोरा र बिवेक गैरे घाइते ।
११. उपेन्द्रविरुद्ध कार्यगत एकता : सत्ता गठबन्धनभित्रका ठूला दलले उपराष्ट्रपतिको निर्वाचनका साना दललाई आपसमा भिडाएपछि लोकतान्त्रिक समाजवादी, जनमत र नागरिक उन्मुक्ति पार्टीले गरे कार्यगत एकताको घोषणा, उपेन्द्र यादवको जनता समाजवादी पार्टी बन्यो एक्लो ।
१२. राजमार्ग १५ दिन बन्द : पृथ्वी राजमार्गअन्तर्गत बिमलनगरदेखि घाँसी कुवासम्मको पूर्वी सडकखण्ड राति १२ बजेदेखि बिहान ४ बजेसम्म बन्द गरिने, अत्यावश्यकबाहेक अन्य सवारी साधानलाई आवतजावतमा रोक ।
१३. नगद जम्मा नगर्न आग्रह : बैंकमा नगद जम्मा नगर्न मकवानपुर उद्योग वाणिज्य संघको आग्रह, बैंकको चर्को व्याजदरविरुद्धको आन्दोलनलाई सहयोग गर्न व्यवसायीहरूसँग अनुरोध ।
१४. क्रिकेटर सोमपाल क्यानडा जाने : आगामी जुनमा हुने क्यानडाको घरेलु क्रिकेट प्रतियोगिता ‘फ्लावर सिटी टी–ट्वान्टी लिग’ खेल्दै नेपाली क्रिकेटर सोमपाल कामी, तीव्र गतिका बलर कामी ओटावा फाल्कोन क्लमा आवद्ध ।
१५. अधिवेशन सम्पन्न : चीनको शीर्ष राजनीतिक सल्लाहकार निकायको १४औँ राष्ट्रिय समितिको पहिलोसत्र सम्पन्न, बेइजिङको ग्रेट हल अफ द पिपुलमा आयोजित सत्रमा राष्ट्रपति सी चिनफिङ र अन्य चिनियाँ सहभागी ।
काठमाडौं फेरि विश्वकै नम्बर एक प्रदूषित शहर
भारी वर्षाले जेलभवन भत्काएपछि भागे १०० बढी नाइजेरियाका कैदी
पश्चिमी अष्ट्रेलियाको सामूहिक समुद्र तटबाट १३० ह्वेल माछाको उद्धार
सुनचाँदीको मूल्य बढ्यो, तोलाको कति पुग्यो ?
बजेट बनाउँदै राखेप : नेताका नाममा हुने प्रतियोगितालाई बजेट नदिने
नेपाली सेनामा खुल्यो जागिर, ३१९ जनाको दरखास्त आह्वान
दुग्ध विकास संस्थानद्वारा किसानलाई ४८ करोड भुक्तानी
बझाङमा उत्साहपूर्वक मतदान जारी
सुहाङ नेम्वाङले गरे मतदान (तस्वीरहरु)
यस्तो छ आजको विदेशी मुद्रा विनिमय दर
जोनी वेरिस्टोको शतकीय पारिमा पञ्जावले बनायो टी –२० सर्वाधिक रन चेजको रेकर्ड
एमाले संकल्प यात्राको सकारात्मक प्रभाव : दैलेखको पेट्रोलियम पदार्थ उत्खननको कामले गति लियो
नेपाल र वेस्ट इन्डिज ‘ए’ बीचको टी–२० श्रृंखला आजदेखि
