काठमाडौं, २८ माघ । शनिबार दिउँसो राष्ट्रपति विद्यादेवी भण्डारीले शीतल निवासमा दिवा भोज आयोजना गरेकी थिइन् ।
कार्यक्रममा उपराष्ट्रपति, प्रधानमन्त्री, सभामुख, सांसदहरु लगाएत राजनीतिक दलको नेताहरुको सहभागीता रहेको थियो ।
भण्डारीले आफ्नो कार्यकाल सकिन केही दिन मात्रै बाँकी रहँदा सांसदहरुलाई बधाई ज्ञापन गर्न भोज आयोजना गरेकी हुन् ।
यसैबीच राष्ट्रपति भण्डारीले भ्रष्टाचारमुक्त समाज स्थापना र सुशासनको प्रत्याभूतिका लागि आ–आफ्नो क्षेत्रबाट योगदान र सक्रियता देखाउन आह्वान गरेकी छिन् ।
हेरौँ शनिबार दिनभरका मुख्य-मुख्य समाचारका हेडलाइनहरु-
१. भ्रष्टाचार नियन्त्रणमा सबै जुटौँ : भ्रष्टाचारमुक्त समाज स्थापना र सुशासनको प्रत्याभूतिका लागि आ–आफ्नो क्षेत्रबाट योगदान र सक्रियता देखाउन राष्ट्रपति विद्यादेवी भण्डारीलेको आह्वान, राजनीतिक नेतृत्व, आयोग र प्रशासनिक नेतृत्वको साङ्गठनिक एवम् एकताबद्ध प्रयासबाट मात्र भ्रष्टाचार नियन्त्रण गर्न सकिने भनाइ ।
२. शीतलनिवासमा दिवा भोज : राष्ट्रपति विद्यादेवी भण्डारीद्वारा संघीय संसद्का नवनिर्वाचन सांसद्लाई बधाई तथा शुभकामना दिन शीतलनिवासमा दिवा भोज आयोजना, उपराष्ट्रपति, प्रधानमन्त्री, प्रतिनिधि सभाका सभामुख, राष्ट्रिय सभाका अध्यक्षलगायत पूर्वप्रधानमन्त्रीहरू सहभागी ।
३. अब सरकार निर्मम बन्छ : भ्रष्टाचारविरुद्ध वर्तमान सरकार हदैसम्म निर्मम हुने प्रधानमान्त्री पुष्पकमल दाहाल ‘प्रचण्ड’को चेतावनी, मुलुकको समग्र विकास, नागरिकको हित अभिवृद्धि र सुशासन कायम गर्न भ्रष्टाचार नियन्त्रण अपरिहार्य रहेको भनाइ ।
४. एमालेलाई रोक्न राष्ट्रिय सहमतिको वहस : राष्ट्रपतिमा एमालेका उम्मेद्वारलाई रोक्न कांग्रेसले राष्ट्रिय सहमतिको बहस चलाएको नेकपा एमालेका उपमहासचिव पृथ्वीसुब्बा गुरुङको आरोप, कांग्रेसकै कारण राष्ट्रपति निर्वाचनमा एमालेलाई माओवादीले भोट हाल्छ कि हाल्दैन भन्ने आशंका पैदा भएको भनाइ ।
५. डाक्टर कुट्ने प्रहरी निलम्बित : राष्ट्रपतिको सवारीको क्रममा चिकित्सकलाई कुटपिट गर्ने वरिष्ठ प्रहरी हवल्दार शम्भुजंग गुरुङ निलम्बित, राष्ट्रपतिलगायत अति विशिष्टको सवारीमा नागरिकलाई कुनै असुविधा पुर्याउन नपाउने कार्यविधि बनाउनुपर्नेमा कांग्रेस महामन्त्री गगन थापाको जोड ।
६. जसरी प्रधानमन्त्री त्यसरी नै राष्ट्रपति : जुन सहमतिका आधारमा प्रचण्ड प्रधानमन्त्री बने त्यसैगरी एमालेका उम्मेदवार राष्ट्रपति बन्नुपर्ने नेकपा एमालेका सचिव योगेश भट्टराईको धारणा, वर्तमान गठबन्धन कायम रहेसम्म सहमतिबाट खण्डित हुनुपर्ने अवस्था नरहेको भनाइ ।
७. अझै मुख्यमन्त्रीकै सुविधामा राजेन्द्र : प्रतिनिधि सभा सदस्य निर्वाचित भइसकेका बागमती प्रदेशका पूर्वमुख्यमन्त्री राजेन्द्रप्रसाद पाण्डेले अझै फिर्ता गरेनन् प्रदेश सरकारको गाडी, प्रदेशका प्रमुख सचिवमार्फत गाडी फिर्ता ल्याउन पहल भइरहेको जानकारी ।
८. राष्ट्रियताको रक्षामा जुटौँ : राष्ट्रियतामाथि चौतर्फी प्रहार भइरहेकाले रक्षाका लागि प्रभावकारी भूमिका निर्वाह गर्न विद्यार्थीहरूलाई राप्रपा अध्यक्ष राजेन्द्र लिङ्देनको आग्रह, शैक्षिक प्रमाणपत्र प्राप्त गरिरहँदा टेक्ने देश रहेन भने प्रमाणपत्रको कुनै अर्थ नरहने धारणा व्यक्त ।
९. राजनीतिक व्यक्ति नै भावी राष्ट्रपति : राष्ट्रपतिको गरिमा थाम्न सक्ने व्यक्तित्व राजनीतिबाहिर नरहेको नेकपा एसका सम्मानित नेता एवम् पूर्वप्रधानमन्त्री झलनाथ खनालको भनाइ, राजनीतिक व्यक्तित्वलाई नै राष्ट्रपतिको उम्मेदवार बनाउनुपर्नेमा जोड ।
१०. पत्रकार महासंघका पूर्वध्यक्षहरू एकैठाउँ : नेपाल पत्रकार महासंघका पूर्वअध्यक्षहरूले गरे राष्ट्रिय स्वतन्त्र पार्टीका सभापति एवम् निवर्तमान गृहमन्त्री रवि लामिछानेको अभिव्यक्तिको विरोध, सञ्चारमाध्यममाथि गरिएको टिप्पणी सामान्य नभएको निष्कर्ष ।
११. सांसदको पारिश्रमिक विद्यालयलाई : नेकपा एमालेका सांसद सूर्य थापाद्वारा आफ्नो पहिलो महिनाको पारिश्रमिक अमर माध्यमिक विद्यालयलाई दिने घोषणा, पार्टीलाई बुझाउने लेबी र कर कट्टीपछिको रकम विद्यालयलाई दिइने ।
१२. विश्वासको मतको खोजी सुरू : विश्वासको मतका लागि रेशम चौधरी छुटाउने आश्वासनको पोको बोकेर घरमै पुगे सुदूरपश्चिम प्रदेशका नवनियुक्त मुख्यमन्त्री कमल शाह, चोधरीकी आमा र परिवारका अन्य सदस्यसँग भेटघाट गरेर फर्किए ।
१३. मेलाको तयारी पूरा : आगामी मङ्गलबारदेखि राजधानीमा आयोजना हुने ‘१६औं अन्तर्राष्ट्रिय औद्योगिक व्यापार मेला तथा घरेलु उद्योग महोत्सव’को सम्पूर्ण तयारी पूरा, फागुन ६ गतेसम्म भृकुटीमण्डपमा मेला आयोजना हुँदै ।
१४. भूकम्पले लियो हजारौँको ज्यान : टर्कीएको पूर्वी भाग र छिमेकी सिरियामा गत सोमबार भएको भूकम्पमा परी हालसम्म २४ हजार १६५ जनाको मृत्यु पुष्टि, टर्कीएमा २० हजार ६८५ जना तथा सिरियामा तीन हजार ५०० जनाले गुमाए ज्यान ।
१५. फुटबल प्रतियोगिता सुरू : पाँचौँ संस्करणको ‘स्थानीय तह सहिद स्मृति मकवानपुर गोल्डकप’ फुटबल प्रतियोगिता हेटौंडामा सुरू, ७ वटा ‘ए’ डिभिजन र एउटा अन्तर्राष्ट्रिय क्लबसहित १२ वटा टीमको सहभागिता ।
सहकारी रकम अपचलनको आरोप लागेको आफ्नै सांसदमाथि छानबिन गर्न राप्रपाको माग
प्रधानमन्त्रीको कार्यक्रममा पत्रकारमाथि दुर्व्यवहार, चौतर्फी विरोध
११ सयले घट्यो सुनको मूल्य
देश विकासको लागि ८४ मा एमालेलाई स्पष्ट बहुमत आवश्यक : मन्त्री श्रेष्ठ
गुल्मीको चन्द्रकोटमा अब पशुचौपाया बिक्री गर्न नपाइने
कान्तिलोकपथ बन्द
वेस्ट इन्डिजका क्रिकेटर थोमसलाई ५ वर्षको प्रतिबन्ध
आईपीएल : रोयल च्यालेन्जर्स र गुजरात भिड्दै
नेपाल लाइफले भव्यताका साथ मनायो २३औँ वार्षिकोत्सव
सुदूरपश्चिमका मुख्यमन्त्री सोडारीले आज विश्वासको मत लिँदै
डीभीको नतिजा आज आउँदै, यसरी हेर्न सकिन्छ नतिजा
नेपाल र वेस्ट इन्डिज ‘ए’ बीचको अन्तिम खेल आज
यस्तो छ आजको विदेशी मुद्राको विनिमय दर
डढेलो निभाउन सघाउने सिम्रिक एयरको प्रतिबद्धता
