काठमाडौं, २३ माघ । माघ १ गते पोखरामा भएको यति एयरलाइन्सको जाहाज दुर्घटनाको कारण सार्वजनिक भएको छ ।
एटीआर–७२ जहाजको डाटा रेकर्डर र ककपिट भ्वाइस रेकर्डरको विश्लेषण तथा अनुसन्धानबाट जहाज दुर्घटनाको कारण खुलेको हो ।
विमान दुर्घटना हुनुको प्रारम्भिक कारण दुबै इन्जिनका प्रोपेलर (ब्लेड) फेदर हुनु अर्थात् निश्चित डिग्री अनुसार छड्के नभई ९० डिग्रीमा रहनु (सिधा) देखिएको छ । दुर्घटनाग्रस्त जहाज अवतरण गर्ने क्रममा ‘बेस लेगमा दुवै इन्जिनका प्रोपेलरहरू फेदर’मा गएको देखिएको छ ।
उक्त जहाजका दुवै इन्जिन प्रोपेलर फेदरमा किन गयो भनी आयोगले प्राविधिक र मानवीय पक्षहरूको थप अनुसन्धान गरिरहेको छ ।
हेरौँ सोमबार दिनभरका मुख्य -मुख्य समाचारका हेडलाइनहरु-
१. शीर्ष तीन नेताबीच के छलफल भयो ? : प्रधानमन्त्री पुष्पकमल दाहाल प्रचण्ड, नेकपा एमालेका अध्यक्ष केपी शर्मा ओली र नेपाली काँग्रेसका सभापति शेरबहादुर देउवाबीच छलफल, सीमाको व्यवस्थापनसहित अन्य राष्ट्रिय महत्वको विषयमा छलफल भएको भनाइ ।
२. जनसरोकारका विधेयक सदनमा लगिने : प्राथमिकतामा रहेका जनसरोकारसँग सम्बन्धित विधेयकहरुलाई संसदमा प्रस्तुत गर्न गृहकार्य सुरु, प्रधानमन्त्री पुष्पकमल दाहाल प्रचण्ड र राजनीतिक दलका प्रमुख सचेतकहरुसँगको छलफलमा विधेयकहरुलाई प्राथमिकताका आधारमा सदनमा प्रस्तुत गर्ने सहमति ।
३. राजीनामा स्वीकृत : राष्ट्रिय स्वतन्त्र पार्टीका ३ जना मन्त्रीले आइतबार दिएको राजीनामा स्वीकृत, श्रम रोजगार तथा सामाजिक सुरक्षा र शिक्षा विज्ञान तथा प्रविधी मन्त्रालयको जिम्मेवारी पनि प्रधानमन्त्री पुष्पकमल दाहाल प्रचण्डलाई नै तोकिएको राष्ट्रपति कार्यालयद्वारा जानकारी ।
४. अर्याल उपाध्यक्षमा निर्वाचित : राष्ट्रिय सभाको उपाध्यक्षमा माओवादी केन्द्रकी उर्मिला अर्याल निर्वाचित, अन्य दलको उम्मेदवारी नपरेपछि अर्याल निर्विरोध ।
५. जहाज दुर्घटनाको कारण खुल्यो : माघ १ गते पोखरामा भएको यति एयरको जाहाज दुर्घटना हुनुको कारण दुबै इन्जिनका प्रोपेलरहरु फेदरमा जानु भएको अनुसन्धानबाट पुष्टि, जहाजका दुवै इन्जिनका प्रोपेलर फेदरमा कसरी गयो भन्नेबारेमा भने अनुसन्धान जारी ।
६. तीन विधेयक पारित : राष्ट्रिय सभाको सोमबारको बैठकबाट तीनवटा विधेयक पारित, अनुगमन तथा मूल्याङ्कन विधेयक, २०७६, अभिलेख संरक्षण (पहिलो संशोधन) विधेयक, २०७७, खाद्य स्वच्छता तथा गुणस्तर विधेयक २०७७’ सर्वमम्मतिले पारित ।
७. केन्द्रीय लेखा आयोगको निर्णय : नेकपा एमालेको केन्द्रीय लेखा आयोगको पाँचौँ पूर्ण बैठक लुम्बिनीमा सम्पन्न, आम निर्वाचनको समीक्षा प्रतिवेदन तयार गर्ने, पार्टी केन्द्रीय कोषको चालू आर्थिक वर्षको आन्तरिक लेखा परीक्षण गर्ने लगायतका विभिन्न निर्णय ।
८. बैठक स्थगित : माघ २९ र फागुन १ गतेका लागि तय भएको नेकपा एमालेको केन्द्रीय कमिटी बैठक स्थगित, अर्को बैठक अनिश्चित ।
९. वडाध्यक्ष पक्राउ : भोजपुर जिल्लाको भोजपुर नगरपालिका वडा नम्बर १ का वडाध्यक्ष देवीप्रसाद कार्की बैंकिङ कसुरमा पक्राउ, ५७ लाखको पैसा नभएको चेक दिएको आरोप ।
१०. नेविसंघबीच झडप : मीनभवन क्याम्पसमा नेविसंघको संस्थापन र इतर पक्षबीच झडप, इतर पक्ष बैठक बसिरहेका बेला संस्थापन पक्षका विद्यार्थीहरुद्वारा आक्रमण ।
११. छुट्लान् त पल ? : अभिनेता पल शाहले जिल्ला अदालत नवलपरासी पूर्वको फैसलाविरुद्व उच्च अदालत पोखरामा दायर गरेको पुनरावेदन निवेदनको सोमबार सुनुवाई सम्पन्न, १५ दिनभित्र दुवै पक्षलाई झिकाउन अदालतको आदेश ।
१२. ७ वर्ष जेल सजाय : मानव बेचबिखनको मुद्दा लागेका मोडल ग्लोबल भिजाज कन्सल्टेन्सीका सञ्चालक मनोज पाण्डेलाई जिल्ला अदालत काठमाडौंद्वारा ७ वर्ष कैद सजाय, पीडितलाई ७५ हजार क्षतिपूर्ति भराउन आदेश ।
१३. आरोपीहरुको बयान सकियो : प्रेमप्रसाद आचार्य आत्मदाह प्रकरणमा जोडिएका सबैसँग प्रहरीले लियो बयान, बयान र तथ्यका आधारमा विष्लेषण गरिरहेको भनाइ ।
१४. विध्वंसात्मक भूकम्प : टर्कीमा गएको शक्तिशाली भूकम्पमा परेर टर्की र सिरियामा १५ सय जना भन्दा धेरैको मृत्यु, १ हजारभन्दा धेरै घाइते, उद्दार कार्य जारी ।
१५. मोन्टी बने मुख्य प्रशिक्षक : राष्ट्रिय क्रिकेट टीमको मुख्य प्रशिक्षकमा मोन्टी देशाई नियुक्त, केही दिनअघिबाट प्रशिक्षण थालेका देशाईले पाए आधिकारिक नियुक्ती ।
सहकारी रकम अपचलनको आरोप लागेको आफ्नै सांसदमाथि छानबिन गर्न राप्रपाको माग
प्रधानमन्त्रीको कार्यक्रममा पत्रकारमाथि दुर्व्यवहार, चौतर्फी विरोध
११ सयले घट्यो सुनको मूल्य
देश विकासको लागि ८४ मा एमालेलाई स्पष्ट बहुमत आवश्यक : मन्त्री श्रेष्ठ
गुल्मीको चन्द्रकोटमा अब पशुचौपाया बिक्री गर्न नपाइने
कान्तिलोकपथ बन्द
वेस्ट इन्डिजका क्रिकेटर थोमसलाई ५ वर्षको प्रतिबन्ध
आईपीएल : रोयल च्यालेन्जर्स र गुजरात भिड्दै
नेपाल लाइफले भव्यताका साथ मनायो २३औँ वार्षिकोत्सव
सुदूरपश्चिमका मुख्यमन्त्री सोडारीले आज विश्वासको मत लिँदै
डीभीको नतिजा आज आउँदै, यसरी हेर्न सकिन्छ नतिजा
नेपाल र वेस्ट इन्डिज ‘ए’ बीचको अन्तिम खेल आज
यस्तो छ आजको विदेशी मुद्राको विनिमय दर
डढेलो निभाउन सघाउने सिम्रिक एयरको प्रतिबद्धता
