उर्मिला अर्याललाई राष्ट्रिय सभा उपाध्यक्षको उम्मेदवार बनाउने सत्ता गठबन्धनको तयारी

काठमाडौं, २२ माघ । सत्ता गठबन्धनले माओवादी केन्द्रकी नेतृ उर्मिला अर्याललाई राष्ट्रिय सभाको उपाध्यक्षको उम्मेदवार बनाउने तयारी गरेको छ ।

राष्ट्रिय सभाको उपाध्यक्ष पदका लागि आज मनोनयन दर्ता हुँदै छ । सङ्घीय संसद् सचिवालयका अनुसार राष्ट्रिय सभाको उपाध्यक्ष पदको मनोनयन प्रस्ताव आइतबार दिउँसो १ बजेदेखि अपराह्न ४ बजेसम्म हुनेछ ।