काठमाडौं, १३ माघ । शुक्रबार साँझ देशकै माहोल एकाएक गर्मायो ।
नागरिकता मुद्दा खेपिरहेका रवि लामिछानेको विपक्षमा सर्वोच्च अदालतले फैसला सुनाएपछि उनी अनागरिक ठहरिए । अदालतको फैसलासँगै उनी सबै पदबाट पदमुक्त भए ।
यसैबीच, रवि निर्वाचित चितवन क्षेत्र नम्बर २ मा उपनिर्वाचन हुने भएको छ । रवि लामिछानेको सांसद पद पनि खारेज भएपछि उक्त क्षेत्र रिक्त भएको हो ।
उपनिर्वाचनका लागि निर्वाचन आयोगले मिति घोषणा गर्नेछ ।
हेरौँ शुक्रबार दिनभरका मुख्य-मुख्य समाचारका हेडलाइनहरु-
१. रविको विपक्षमा फैसला : नागरिकता मुद्दामा रवि लामिछाने सर्र्वोच्च अदालतबाट दोषी ठहर, उपप्रधानमन्त्री तथा गृहमन्त्री पद खारेज ।
२. हातबाट सबै गयो : सर्वोच्चको फैसलासँगै रवि लामिछानेले प्रधानमन्त्री पुष्पकमल दाहाल प्रचण्ड समक्ष बुझाए राजीनामा, राष्ट्रिय स्वतन्त्र पार्टीको सभापति पदमा पनि बस्न नपाउने ।
३. रविको प्रतिक्रिया : सर्वोच्च अदालतको फैसलालाई सम्मान गर्ने रवि लामिछानेको भनाई, आफू अनागरिक बनेको प्रतिक्रिया ।
४. राष्ट्रिय सहमति खोजिन्छ : राष्ट्रपतिमा राष्ट्रिय सहमति खोज्ने माओवादी केन्द्र स्थायी कमिटी बैठकको निर्णय, राष्ट्रिय सहमतिका लागि माओवादीले नै पहल गर्ने ।
५. गृह पनि प्रधानमन्त्रीकै जिम्मामा : रवि लामिछानेले पदबाट राजीनामा बुझाएपछि रित्त रहेको गृहमन्त्रालयको जिम्मेवारी प्रधानमन्त्री पुष्पकमल दाहाल प्रचण्डले नै सम्हाल्ने, गृहमन्त्री बनेका ३२ दिनमै रवि पदमुक्त ।
६. रविको क्षेत्रमा उपनिर्वाचन : रवि लामिछाने निर्वाचित चितवन क्षेत्र नम्बर २ मा उपनिर्वाचन हुने, निर्वाचनको मिति निर्वाचन आयोगले घोषणा गर्ने ।
७. अर्धवार्षिक समिक्षा हुने : आर्थिक वर्ष २०७९/८० को बजेटको अर्धवार्षिक समीक्षा गर्ने अर्थमन्त्रालयको तयारी, बजेट तथा कार्यक्रम महाशाखा प्रमुखको नेतृत्वमा समिति गठन ।
८. राष्ट्रिय सभा उपाध्यक्षको निर्वाचन हुँदै : राष्ट्रिय सभाको उपाध्यक्षको निर्वाचन माघ २३ गते हुने, निर्वाचनसम्बन्धी कार्यक्रम सार्वजनिक गर्न संघीय संसदका महासचिव भरतराज गौतमलाई राष्ट्रिय सभा अध्यक्ष गणेशप्रसाद तिमल्सिनाको आदेश ।
९.सबै कार्यक्रम स्थगित : राष्ट्रिय स्वतन्त्र पार्टीले भोलिदेखि गर्ने भनिएको प्रदेश समितिहरूको विस्तारित बैठक र संगठन विस्तारका सबै कार्यक्रम स्थगित, संयम्ताका साथ प्रस्तुत हुन नेता कार्यकर्तालाई पार्टीको आग्रह ।
१०. श्रद्दाञ्जलीसभा : माघ १ मा पोखराको सेती खोँचमा यती एयरलाइन्सको विमान दुर्घटनामा निधन भएकाहरुको स्मृतिमा घटनास्थलमा पोखरा महानगरपालिकाद्वारा श्रद्धाञ्जलीसभासहित दीप प्रज्वलन, शोकले पोखरा, घटनाले कास्की जिल्लासहित समग्र गण्डकी प्रदेश स्तब्ध भएको मुख्यमन्त्री खगराज अधिकारीको भनाइ ।
११. पुन: उद्योग सञ्चालन गरिन्छ : बन्द भएका उद्योग सञ्चालनको वातावरण बनाउने उद्योग, वाणिज्य तथा आपूर्तिमन्त्री दामोदर भण्डारीको भनाइ, उद्योगी व्यवसायीका समस्या सुनेरै समस्या समाधान गरिने प्रतिवद्वता ।
१२. थोरै राहत : नेपाली बजारमा शुक्रबार सुन तोलामा ११ सयले घट्यो, छापावाल सुन प्रतितोला एक लाख पाँच हजार आठ सय, तेजाबी सुन प्रतितोला एक लाख पाँच हजार तीन सय र चाँदी प्रतितोला १३ सय ८० रुपैयाँमा कारोबार ।
१३. किन दुर्घटना हुँदैछन् जहाज ? : अन्तर्राष्ट्रिय नागरिक उड्डयन संगठन (आइकाओ)ले निर्दिष्ट गरेका मादपण्डहरुको पूर्ण पालना हुन नसक्दा नेपालमा हवाई दुर्घटना बढेको विज्ञहरुको ठहर, हवाई क्षेत्रलाई सुरक्षित बनाउन तत्काल दक्ष जनशक्ति परिपूर्ति गर्नुपर्नेमा जोड ।
१४. मध्यावधि निर्वाचन घोषणा : काजकिस्तानका नवनिर्वाचित राष्ट्रपति कास्यम जोमार्ट टोकाइभद्वारा मध्यावधि निर्वाचनको घोषण, मार्च १९ मा तल्लो सदनको निर्वाचन हुने ।
१५. सन्दीप अटाएनन् : क्यानले घरेलु मैदानमा हुने त्रिदेशीय एकदिवसीय सिरिजका लागि २८ खेलाडीलाई बन्द प्रशिक्षणमा डाक्यो, सन्दीप लामिछाने प्रशिक्षणमा परेनन् ।
घट्यो सुनचाँदीको मूल्य
प्रिमियर लिगका २ खेलाडीमाथि बलात्कारको आरोप
मनमोहन अधिकारी ज्येष्ठ नागरिक र ग्रामीण भेगका जनताका मित्र : पूर्वराष्ट्रपति भण्डारी
दलीय राजनीति गर्ने शिक्षकहरुप्रति मन्त्रालय एक्सनमा, मगाइयो विवरण
वेस्ट इन्डिज ‘ए’ विरुद्ध खेल्ने नेपाली टीमको घोषणा
रवि लामिछानेको विषयमा लेखेका युवाको यस्तो हालत
आफ्ताब आलमलाई जन्मकैदको फैसला
दुग्ध विकास संस्थानद्वारा किसानलाई ४८ करोड भुक्तानी
पाल्पामा अन्तर व्यवस्थापिका भेला आज
डढेलोको क्षति बढेको बढ्यै छ, सरकार किन यति असंवेदनशील ? : शेखर कोइराला
जसपाको कार्यकारिणी समिति बैठक बस्दै
व्यक्तिगत सुरक्षामा खटिएका सुरक्षाकर्मी फिर्ता बोलाउन गृहमन्त्रीको निर्देशन
विश्वभर २८ करोड २० लाख मानिसमा भोकमरी
यस्तो छ आजको विदेशी मुद्रा विनिमय दर
