काठमाडौं, ६ माघ । नेकपा माओवादी केन्द्रका उपमहासचिव वर्षमान पुन अस्पतालबाट डिस्चार्ज भएका छन् ।
ललितपुरको सुमेरु अस्पतालमा उपचाररत उनको स्वास्थ्यमा सुधार देखिएपछि डिस्चार्ज गरिएको बताइएको छ ।
रोल्पा समृद्ध फाउन्डेसनको कार्यक्रममा गृह जिल्ला रोल्पा पुगेका पुनको स्वास्थ्यमा गम्भीर समस्या देखिएपछि पुस ३० गते आकस्मिक रुपमा हेलिकोप्टरमार्फत काठमाडौं ल्याएर उपचार गरिएको थियो ।
चीनमा नियमित स्वास्थ्य जाँचपछि उनी पुस ५ मा नेपाल फर्किएका थिए । त्यसपछि पार्टीमा सक्रिय भएका उनी रोल्पा पुगेका थिए । गत वर्ष उनी थाइल्याण्डमा उपचारपछि चीन गएका थिए ।
प्रतिक्रिया