काठमाडौं, ३० असोज । प्रवासी नेपाली मञ्चको पहिलो अन्तर्राष्ट्रिय अधिवेशन आगामी कात्तिक १९ र २० गते काठमाडौंमा हुने भएको छ ।
बुढानीलकण्ठस्थित पार्क भिलेज रिसोर्टमा आयोजना हुने अधिवेशनको समुद्घाटन नेकपा (एमाले) का अध्यक्ष तथा पूर्व प्रधानमन्त्री केपी शर्मा ओलीले गर्ने छन् ।
दुई दिनसम्म चल्ने अघिवेशनमा प्रवासी नेपाली मञ्चका संसारभरीका संगठनहरुबाट चुनिएर करिब ३५० जना प्रतिनिधिको सहभागिता रहने छ ।
अधिवेशनलाई भव्यरुपमा सम्पन्न गर्न विभिन्न उपसमितिहरू बनाइएका छन् भने नेपालमा सम्पर्क कार्यालयबाट अधिवेशनको तयारी शुरू भइसकेको बताइएको छ ।
साथै अधिवेशन विशेषको प्रतिक चिह्न ‘लोगो’ आज नेकपा एमालेका उपमाहसचिव विष्णु रिमालले एक कार्यक्रमका बीच सार्वजनिक गरेका छन् ।
अधिवेशनले प्रवासी नेपाली मञ्चको सिद्धान्त, नीति, कार्यक्रम र बिधि–बिधान तर्जुमा गर्नाका साथै अन्तर्राष्ट्रिय नेतृत्व समेत चयन गर्नेछ ।
प्रतिक्रिया