काठमडौं, २ असोज । निवर्तमान सांसद अमृता अग्रहरि नेकपा एमालेमा प्रवेश गरेकी छिन् ।
नेकपा एमालेको सचिवालय बैठक बसिरहेकै समयमा उनलाई बालकोटमा पार्टी प्रवेश गराइएको बताएको छ । उनलाई एमाले अध्यक्ष ओलीले खादा लगाएर पार्टीमा स्वागत गरेको पार्टी सचिव योगेश भट्टराईले जानकारी दिए ।
अग्रहरि जनता समाजवादी पार्टीकी केन्द्रीय कार्यकारी समितिका सदस्य एवम् चर्चित महिला नेत्री हुन् ।
अग्रहरिले एमाले प्रवेश गरेको जानकारी दिँदै सचिव भट्टराईले लेखेका छन्, ‘पार्टी सचिवालयको बैठक चलिरहेको बेला नेपालको लोकतान्त्रिक आन्दोलनका नेता गजेन्द्र नारायण सिंहको प्रेरणाबाट राजनीतिमा कृयाशील हुँदै हाल प्रतिनिधिसभा सदस्य तथा जसपाकी नेतृ अमृता आग्रहरी आजदेखि औपचारिक रुपले नेकपा एमालेमा समाहित हुनुभएको छ । पार्टी अध्यक्ष कमरेड केपी ओलीले आज उहाँलाई पार्टीमा स्वागत गर्नु भएको छ । माननीय अमृताजीलाई नेकपा एमालेको बिशाल परिवारमा हार्दिक स्वागत छ ।’
प्रतिक्रिया