एलिजाबेथ द्वितीयाको निधनप्रति प्रधानमन्त्रीद्वारा दुःख व्यक्त

काठमाडौं, २४ भदौ । प्रधानमन्त्री शेरबहादुर देउवाले बेलायतकी महारानी एलिजाबेथ द्वितीयाको निधनप्रति दुःख व्यक्त गरेका छन् ।

देउवाले ट्वीटमार्फत दु:ख व्यक्त गरेका हुन् । उनले रानी एलिजाबेथको निधनले नेपाल र नेपाली जनताले आफूलाई माया गर्ने एक व्यक्तित्व गुमाएको उल्लेख गरेका छन् । ​

‘रानीका सन १९६१ र सन १९८६ मा भएका दुई राजकीय भ्रमणलाई नेपालमा सादरपूर्वक स्मरण गरिन्छ,’ देउवाले एलिजाबेथका नेपाल भ्रमणको स्मरण गर्दै भनेका छन् ।

९६ वर्षीया एलिजाबेथको बिहीबार स्कटल्यान्डको वालमोरलमा निधन भएको थियो।