सन्दीप लामिछाने नेपाल फर्कनेबित्तिकै पक्राउ पर्ने

काठमाडौं, २२ भाद्र । बलात्कार मुद्दा परेका नेपाली राष्ट्रिय क्रिकेट टोलीका कप्तान सन्दीप लामिछाने स्वदेश फर्कनेबित्तिकै पक्राउ पर्ने भएका छन् ।

प्रहरी स्रोतका अनुसार उनीमाथि परेको किटानी जाहेरीका विषयमा अनुन्धान गर्न लामिछाने पक्राउ पर्ने भएका हुन् ।

उनी अहिले क्रिकेट खेल्न विदेशमा छन् । सन्दीप क्रिकेट खेल्न विदेशमा जानुअघि घटना भएको बुझिएको छ । नाबालिगको उजुरी परेको र यदि प्रमाणीत भए सन्दीप जेल जानुपर्ने हुनसक्छ ।

२५ वर्षीय सन्दीप नेपाली क्रिकेट जगतका अहिलेसम्मकै सर्वाधिक सफल क्रिकेटर मानिन्छन् ।