काठमाडौं, १८ साउन । मुम्बई उड्न लागेको नेपाल एअरलाइन्सको जहाजबाट दुई जनालाई पक्राउ गरिएको छ ।
चोरीमा व्यक्ति भाग्न लागेको सूचना प्राप्त भएपछि विमानस्थल प्रहरीले उड्न लागेको जहाज रोकेर अपरेशन चलाएको थियो ।
१४१ जना यात्रु रहेका विमानमा सबैलाई उतारिएको थियो भने त्यहाँ दुई जनालाई नियन्त्रणमा लिइएको प्रहरीले जनाएको छ ।
त्यसको दुई घण्टापछि जहाज मुम्बईका लागि उडेको थियो ।
जहाजबाट प्रहरीले कैलालीका सन्तोष लामिछाने र उनकी श्रीमतीलाई पक्राउ गरेको छ ।
लामिछाने सुन व्यवसायी भएको प्रहरीले जनाएको छ । लामिछाने सुनको चोरी र तस्करीमा संलग्न भएको प्रहरीको दाबी छ ।
प्रहरीका अनुसार उनीहरुमाथि अनुसन्धान भइरहेको छ ।
प्रतिक्रिया