काठमाडौँ, ३० जेठ । प्रमुख प्रतिपक्षी दल नेकपा (एमाले)ले रासायनिक मल उपलब्ध गराउनेबारे छलफल गर्न माग गरेको छ ।
सोमबारको प्रतिनिधिसभाको बैठकमा संसदको नियमित कार्यक्रम स्थगन गरेर रासायनिक मल उपलब्ध गराउनेबारे छलफल गर्न माग गरिएको हो ।
सोमबार एमालेका १५ जना सांसदले हस्ताक्षर गरेर अत्यन्त जरुरी सार्वजनिक महत्वको लिखित प्रस्ताव संसदमा पेश गर्दै उक्त प्रस्तावमाथि छलफल गर्न माग गरेका हुन् ।
एमालेका प्रमुख सचेतक विशाल भट्टराईका अनुसार रासायनिक मलको उपलब्धताका लागि तत्काल जीटूजी विधिबाट भए पनि रासायनिक मल खरिद गरेर किसानलाई उपलब्ध गराउनु पर्ने माग गरेको छ ।
प्रतिक्रिया