देउवाको दावीः गठबन्धन आम निर्वाचनसम्म रहन्छ

काठमाडौँ, २४ वैशाख । प्रधानमन्त्री शेरबहादुर देउवाले सत्तारुढ दलको गठबन्धन आम निर्वाचनसम्म रहने दावी गरेका छन् ।

उनले गठबन्धन आवश्यकता रहेको बताउँदै पाँच दलीय गठबन्धन आम निर्वाचनसम्म रहने बताए ।

शनिबार तनहुँको दमौलीमा नेपाली कांग्रेस जिल्ला कार्यसमितिले आयोजना गरेको चुनावी सभालाई सम्बोधन गर्दै प्रधानमन्त्री देउवाले यस्तो बताएका हुन् ।

उनले भने ‘यो एक ऐतिहासिक गठबन्धन हो, स्थानीय तहसम्म मात्र सीमित रहदैन, प्रदेश र संघको निर्वाचनमा पनि हामी यही अनुसार अगाडि बढ्छौँ ।’

त्यस्तै, उनले एमाले अध्यक्ष केपी शर्मा ओलीको कार्यशैलीबाट मुक्ति पाएको समेत दावी गरे ।