पाल्पामा आगलागीमा परि एक वृद्धको ज्यान गयो

काठमाडौँ, २३ वैशाख । पाल्पामा आगलागीमा परि एक वृद्धको ज्यान गएको छ ।

आगलागीमा परि रैनादेवी छहरा गाउँपालिका-४ का ७९ वर्षीय मानबहादुर सोमै मगरको ज्यान गएको जिल्ला प्रहरी कार्यालय पाल्पाले जनाएको छ । एक्लै बस्दै आउनुभएका सोमैको घरमा गएराति करिब एक बजेतिर आगो लागेको प्रहरीले जनाएको छ ।

प्रहरीका अनुसार आगोले घर पूरै जलेर नष्ट भएको र घटनाको बारेमा अनुसन्धान भइरहेको छ ।