निर्वाचन आयोगले किन सोध्यो केशव स्थापितलाई स्पष्टीकरण ?

काठमाडौँ, १९ वैशाख । निर्वाचन आयोगले काठमाडौं महानगरपालिकामा नेकपा एमालेबाट मेयरका उम्मेदवार केशव स्थापितसँग स्पष्टीकरण सोधेको छ ।

सोमबार आयोगले एक पत्र पठाउँदै स्थापितसँग २४ घण्टे स्पष्टिकरण सोधेको हो ।

स्थापितले दिएको अभिव्यक्तिलाई लिएर स्पष्टिकरण सोधिएको आयोगले जनाएको छ ।

केही दिनअघि सार्वजनिक कार्यक्रममा स्थापितले दिएको अभिव्यक्तिलाई लिएर स्पष्टिकरण सोधिएको बताइएको छ ।

कार्यक्रममा स्थापितले एक महिलाले उनीमाथि लागेको ‘मिटु’ का बारेमा प्रश्न गरेपछि आक्रोशित हुँदै ‘यु आर ब्युटीफुल लेडी, तर थुतुने ठिक भएन’ भन्ने जवाफ फर्काएपछि उनी विवादमा तानिएका थिए ।