प्रत्येक वर्ष १ जनालाई एमबीबीएस पढाउन छात्रवृत्ति दिनेछौं : अध्यक्ष उम्मेदवार चन्द

सुर्खेत, १३ वैशाख ।  सिम्ता गाउँपालिकाको अध्यक्ष पदका लागी नेकपा एमाले बाट उम्मेदवार ऐन बहादुर चन्दले आफुले निर्वाचन जितेपछि प्रत्येक आर्थिक वर्षमा एकजना उत्कृष्ट विद्यार्थीलाई एमबीबीएस ( MBBS) डाक्टर पढ्नका लागी छात्रवृत्ति दिने वाचा गरेका छन् ।

नेकपा एमालेको तर्फबाट सिम्ता गाउँपालिका वडा नम्बर ५ निवासी ऐन बहादुर चन्द उम्मेदवार छन् । उपाध्यक्षमा गोमा रेग्मीलाई एमालेले उम्मेदवार बनाएको छ ।

एमाले चुनाव प्रचारप्रसारमा तीब्र ढंगले लागिरहेको बेला काङ्ग्रेस लगाएत गठबन्धनमा आवद्ध दल भागबन्डा मिलाउन जुटिरहेको छन् ।