कुरा नमिलेपछि गठबन्धनको बैठक लम्बियो

काठमाडौँ, ७ वैशाख । केही महानगरपालिका र उपमहानगरपालिकामा भागवण्डा नमिलेपछि सत्तारुढ गठबन्धनको बैठक लम्बिएको छ ।

मंगलबार केही महानगर र उपमहानगरमा सहमति जुटाएको गठबन्धनमा नेपालगञ्ज उपमहानगरपालिकाको नेतृत्वको विवाद नमिलेपछि वुधबारको बैठक लम्बिएको हो ।

वुधबार विहान ११ बजे बस्ने भनिएको ढिला गरी सुरु भएको थियो ।

नेपालगञ्जको नेतृत्व नेपाली कांग्रेस र जनता समाजवादी पार्टीले दाबी गरेपछि सहमति हुन नसकेको नेताहरुले बताएका छन् ।

जनकपुरमा पनि गठबन्धनबीच विवाद नटुंगिएको एक नेताले दैनिक नेपाललाई जानकारी दिएका छन् ।

वुधबारको बैठकमा कांग्रेस र जसपाले नेपालगञ्ज र जनकपुरमा आफ्नो दावी नछोडेका कारण विवाद नमिलेको हो ।

जसपाले जनकपुर लिन तयार भए पनि कांग्रेसले जनपुर छोड्न नमानेको बताइएको छ ।