करेन्ट लागेर एकजनाको मृत्यु

रौतहट, ४ वैशाख । दुर्गाभगवती गाउँपालिका-१ शिव मन्दिर टोल बस्ने ३० वर्षीया रम्घरिया देवीको करेन्ट लागेर शनिबार साँझ मृत्यु भएको छ ।

सोही ठाउँ बस्ने नरेश राउतकी छोरीको विबाहकोमटकोर पूजामा स्थानीयबासीहरू जम्मा भई सामुहिक गीत गाउने क्रममा माइकबाट अचानक करेन्ट लाग्दा गम्भीर घाइते भएकी उनको शिवदर्शन अस्पतालमा उपचारको क्रममा मृत्यु भएको हो ।

घाइते भएका अन्य ७ जनाको स्थानीय मेडिकल बागमतीमा उपचार भइरहेको छ । यस सम्बन्धमा प्रहरीले थप अनुसन्धान गरिरहेको छ ।