सानेपामा मोटरसाइकल दुर्घटना हुँदा एक जना प्रहरी जवानको मृत्यु, एक जना घाइते

काठमाडौं, १३ चैत । ललितपुरको सानेपामा गएराति भएको मोटरसाइकल दुर्घटनामा एक जना प्रहरी जवानको मृत्यु भएको छ ।

दुर्घटनामा परी एक जना गम्भीर घाइते भएका छन् । गएराति सवा १ बजे बा ८३ प ८९८५ नम्बरको मोटरसाइकल पल्टिँदा प्रहरी वृत्त चापागाउँमा कार्यरत प्रहरी जवान नवीन न्यौपानेको ज्यान गएको छ ।

उनको उपचारका क्रममा स्टार अस्पतालमा ज्यान गएको प्रहरीले जनाएको छ । यस्तै, गम्भीर घाइते भएका तनहुँको आँबुखैरेनी घर भइ प्रहरी वृत्त सातदोबोटोमा कार्यरत प्रहरी जवान सुमनकुमार सिंहको स्टार अस्पतालमा नै उपचार भइरहेको बताइएको छ ।