समृद्ध नेपाल, सुखी नेपालीको गन्तव्य समाजवादलाई एमालेले मात्र अघि बढाउन सक्छः ओली

काठमाडौँ, १० चैत । नेकपा (एमाले)का अध्यक्ष केपी शर्मा ओलीले नेकपा एमालेले मात्रै समाजवादको गन्तव्यलाई अघि बढाउन सक्ने बताएका छन् ।

काठमाडौँमा बिहीबार एमाले उपमहासचिव प्रदीप ज्ञवालीद्वारा लिखित पुस्तक ‘दिशाबोध’को विमोचनका साथै पार्टी प्रवेश कार्यक्रममा बोल्दै ओलीले समृद्ध नेपाल, सुखी नेपालीको गन्तव्य नै समाजवादको गन्तव्य भएको भन्दै यसलाई एमालेलेमात्र अघि बढाउन सक्ने बताएका हुन् ।

त्यस्तै उनले समाजवादको गन्तव्यमा पुग्न एमालेले आवश्यक नीति बनाउने बताए ।

कार्यक्रममा ओलीले नेकपा माओवादी केन्द्रका प्रवक्ता कृष्णबहादुर महराका स्वकीय सचिव प्रमोद शर्मा लगायतलाई एमाले प्रवेश गराएका थिए ।