परमादेशीलाई जनादेशले विस्थापित नगर्दासम्म मुलुक यस्तै संकटमा फस्छः अध्यक्ष ओली

काठमाडौँ, ८ फागुन । नेकपा एमालेका अध्यक्ष केपी शर्मा ओलीले सत्ता गठबन्धनले मुलुकलाई भूराजनीतिक द्वन्द्वमा धकेलेको बताएका छन् ।

एमसीसीलाई गिजोलेर मुलुकलाई भूराजनीतिक द्वन्द्वमा धकेलेको ओलीको भनाइ छ ।

त्यस्तै, अध्यक्ष ओलीले परमादेशी सरकारलाई जनादेशले विस्थापित नगर्दासम्म मुलुक यस्तै संकटमा फँस्ने बताए ।

आइतबार संसद बैठकपछि सिंहदरबारस्थित संसदीय दलको बैठकमा एमाले सांसदहरुसँग एमसीसीबारे छलफल गर्दै ओलीले यस्तो बताएका हुन् ।

यसमा एमालेको कुनै भूमिका नरहने भन्दै उनले भने, ‘सभामुखका कारण हामी संसदीय प्रक्रियामा छैनौं, प्रक्रियामा भाग लिन पायौं भने त्यहीबेला हाम्रो पोजिशन प्रष्ट हुन्छ ।’