काठमाडौँ, ५ फागुन । प्रधानमन्त्री शेरबहादुर देउवा र एमाले अध्यक्ष केपी शर्मा ओलीबीच भेटवार्ता भएको छ ।
बिहीबार साँझ गठबन्धनका दलहरुको बैठकमा एमसीसीका विषयमा सहमति नभएपछि प्रधानमन्त्री देउवा पत्नी आरजु राणासहित अध्यक्ष ओलीलाई भेट्न बालकोट पुगेका थिए ।
उनीहरुबीच पनि एमसीसीकै सेरोफरोमा कुराकानी भएको अनुमान गरिए पनि सहमति भए नभएको बारे केही खुलाइएको छैन ।
देउवा सवा १० बजे बाहिरिएका छन् । उनले सञ्चारकर्मीसँग कुनै प्रतिक्रिया दिन चाहेनन् ।
ओलीसँग पहिलो चरणमा वार्ता गरेर बालुवाटा फर्किसकेका देउवा फेरि अर्को चरणको वार्ताका लागि बालकोट फर्किएका थिए ।
उनीहरुबीच करिब एक घण्टा कुराकानी भएको थियो ।
उता एमाले अध्यक्ष ओलीले पनि भेटवार्तालाई लिएर कुनै प्रतिक्रिया दिएका छैनन् ।
ओलीको सचिवालयले भने छलफल भएको तर मिडियालाई भन्ने केही कुरा नभएको जनाएको छ ।
प्रतिक्रिया
सम्बन्धित
सिफारिस