कार्य सम्पादन समिति बैठकको एजेण्डा तयार गर्न कांग्रेसको पदाधिकारी बैठक बस्दै

काठमाडौं, २६ माघ । नेपाली कांग्रेसको पदाधिकारी बैठक आज दिउँसो तीन बजे पार्टी केन्द्रीय कार्यालय सानेपामा बस्दै छ ।

बैठकमा भोलि बस्ने केन्द्रीय कार्य सम्पादन समितिको बैठकका एजेण्डाबारे छलफल हुने नेपाली कांग्रेसले जनाएको छ । बैठकमा स्थानीय तहको निर्वाचन र एमसीसी परियोजनाबारे विशेष छलफल हुने बताइएको छ ।

त्यस्तै १६ जिल्लामा बाँकी अधिवेशन, म्याद सकिएका भ्रातृ संस्था लगायतका विषयमा पनि छलफल हुनसक्ने बताइएको छ ।