यी १६ जिल्लाबाट एमाले महाधिवेशन प्रतिनिधिको विवरण आउन बाँकी

काठमाडौँ, ३० कात्तिक । नेकपा एमालेले ६० जिल्लाबाट महाधिवेशन प्रतिनिधिहरु छानिएको जनाएको छ ।

एमालेले आज साँझसम्ममा बाँकी जिल्लाका प्रतिनिधिहरुको विवरण पठाउन निर्देशन दिएको छ ।

१६ जिल्लाका प्रतिनिधिको विवरण आउन बाँकी रहेको नेकपा एमाले प्रचार विभाग उपप्रमुख सूर्य थापाले जनाएका छन् ।

थापाले कैलाली, कञ्चनपुर, डोटी, अछाम, बाजुरा, काभ्रेपलाञ्चोक, रसुवा, धनुषा,महोत्तरी, रौतहट, सिरहा, सप्तरी, सुनसरी, धनकुटा, पाँचथर र ताप्लेजुङ जिल्लाबाट पनि महाधिवेशन प्रतिनिधिहरूको विवरण आउन बाँकी रहेको जनाएका छन् ।

एमालेको मंसिर १०, ११ र १२ गते चितवनमा दशौं राष्ट्रिय महाधिवेशनका हुँदैछ ।