५०० रुपैयाँले बढ्यो सुनको मूल्य

काठमाडौँ, १९ असोज । मंगलबार नेपाली बजारमा सुनको मूल्य ५०० रुपैयाँले बढेको छ ।

नेपाल सुनचाँदी व्यवसायी महासंघका अनुसार आज छापावाला सुनको मूल्य ९० हजार ३०० रुपैयाँ पुगेको छ ।

यस्तै, महासंघका अनुसार आज यता तेजाबी सुनको मूल्य समेत तोलामा ५०० रुपैयाँले वृद्धि हुँदै ८९ हजार ८५० रुपैयाँमा कारोबार भइरहेको छ ।

यद्यपि, आज यता चाँदीको मूल्य भने स्थिर रहेर एक हजार १६० रुपैयाँमा कारोबार भएको छ ।