काठमाडौं, १३ साउन । नेपाली कांग्रेसका नेताहरूले धर्नामा बसेका बारा कांग्रेसका नेताहरूको माग सम्बोधन हुने आश्वासन दिएका छन् ।
वरिष्ठ नेता रामचन्द्र पौडेल, उप–सभापति विजयकुमार गच्छदार, सह–महामन्त्री डा.प्रकाशशरण महत, केन्द्रीय सदस्य अर्जुन नरसिंह केसी, फर्मुल्लाह मन्सुरसहितका नेताले बारा कांग्रेसका नेताहरूको माग सम्बोधन हुनुपर्ने बताएका छन् । मंगलबार पनि सह–महामन्त्री डा.महतसहितका नेताहरूले भेटेर मागका विषयमा जानकारी लिएका छन् ।
बारा कांग्रेसका युवा नेता एवम् क्षेत्र नं. १ का सभापति विजयशंकर यादवले केन्द्रीय नेतृत्वबाट मागको सम्बोधन गर्ने आश्वासन आएको भए पनि माग सम्बोधन नहुँदासम्म आफूहरू धर्नामा बस्ने बताएका छन् ।
बारा कांग्रेसका सभापति जयचन्द्र चौरसियासहितका नेताहरू विगत एक हप्तादेखि कांग्रेसको केन्द्रीय कार्यालय सानेपा, ललितपुरमा धर्नामा छन् । धर्नामा क्षेत्र नं. १ का सभापति विजयशंकर यादव, २ का सभापति रामप्रवेश यादव, ३ का सभापति मुकेश कुशवाह र ४ का सभापति सुनिल गुप्तासहित नेताहरू छन् ।
क्रियाशील सदस्यता विरतणमा केन्द्रीय सदस्य उमाकान्त चौधरीले लफडा गरेपछि न्याय खोज्न बारा कांग्रेसका सम्पूर्ण नेतृत्व केन्द्रीय कार्यालयमा आएको छ । बारामा कमजोर चौधरीले आफू हाबी हुन क्रियाशील सदस्यता वितरणमा अंकुश लगाउन खोजेका छन् । चौधरीको यो हर्कतलाई बारा कांग्रेसले सिधै चुनौती दिएको छ ।
बारा कांग्रेसको विवाद समाधान गर्न उमाकान्त चौधरीले पहल गर्नुपर्ने थियो । तर, उनी भागेर हिँडेका छन् । उनी सानेपामा गएर धर्नामा बसेका नेताहरूसँग नजर मिलाउन सकेका छैनन् । चौधरीलाई फरार भएको भन्दै धर्नामा बसेकाहरूले आक्रोश पोखेका छन् । शीर्ष नेताहरू धर्नामा आएर समस्या समाधानमा पहल गर्ने आश्वासन दिएका छन् । तर, बखेडा गर्ने नेता चौधरी धर्नामा देखिएका छैनन् ।
बारा कांग्रेसका सबै नेताहरू केन्द्रीय कार्यालयमा धर्ना बसेपछि केन्द्रीय सदस्य चौधरीको सातोपुत्लो उडेको छ । बारामा कांग्रेसलाई चौधरीले बिगारेको आरोप छ ।
बारा कांग्रेसमा लफडा गरेर बेपत्ता भएका केन्द्रीय सदस्य एवम् सांसद चौधरी मन्त्री बन्न लविङमा लागेका छन् । चौधरीलाई बारा कांग्रेसको विवाद समाधान नर्दासम्म मन्त्री बनाउन नहुने माग नेता कार्यकर्ताको छ ।
व्यक्तिगत सुरक्षामा खटिएका सुरक्षाकर्मी फिर्ता बोलाउन गृहमन्त्रीको निर्देशन
यी प्रदेशमा मेघगर्जनसहित वर्षा र हावाहुरीको सम्भावना
पटनाको होटलमा आगलागी हुँदा ६ जनाको मृत्यु
अबको पार्टी एकता माथिबाट होइन, तलबाट गर्ने हो : भानुभक्त ढकाल
बालिका बेचबिखन गरेको आरोपमा एक महिला पक्राउ
कक्षा १२ को परीक्षा आजदेखि, तीन लाख ९० हजार परीक्षार्थी सहभागी हुँदै
काठमाडौं फेरि विश्वकै नम्बर एक प्रदूषित शहर
सबैभन्दा बढी रेमिट्यान्स भित्र्याउने आइएमई सम्मानित
नेशनल लाईफको घान्द्रुक भ्रमण कार्यक्रम सम्पन्न
सानिमा बैंकद्वारा १० लाखको दुर्घटना बीमा रकम हस्तान्तरण
उपनिर्वाचनमा सहभागी हुन निर्वाचन आयोगको अपिल
टी–२० विश्वकपको ‘ब्रान्ड एम्बास्डर’ बने युवराज सिंह
फस्टलुकसँगै फिल्म ‘आँखा’को प्रदर्शन मिति तय
४४ दिनमा सकियो ‘द्रौपदी’को सुटिङ
