एमालेको स्थायी समिति बैठक बस्दै, नेपाल समूह पनि सहभागी हुने सम्भावना

काठमाडौं, २९ असार । मुलुकको पछिल्लो राजनीतिक अवस्थाका विषयमा छलफल गर्न एमाले स्थायी कमिटी बैठक आज बस्ने भएको छ ।

बैठक बालुवाटारमा दिउँसो १ बजेका लागि बोलाइएको छ । बैठकमा वरिष्ठ नेता माधवकुमार नेपालसहितका नेताहरू सहभागी हुने बताइएको छ ।

स्थायी कमिटी बैठकले केन्द्रीय कमिटी बैठकको एजेन्डा तय गर्ने बताइएको छ । नेपाल पक्ष अनुपस्थित रहेपछि सोमबार साँझ बसेको बैठकलाई औपचारिकता प्रदान गरिएको थिएन ।

सोमबारको बैठकमा नेपाल पक्षका नेता भीम रावलमात्र सहभागी भएका थिए ।