मेलम्चीमा बाढीले बगायो तीन तलाको घर

काठमाडौँ, १२ असार । अविरल वर्षापछि आएको बाढीले सिन्धुपाल्चोकको मेलम्चीमा एक तीन तलाको घर बगाएको छ ।

शनिबार बिहान मेलम्ची नगरपालिका ११ स्थित इन्द्रावती नदीको छेउमा रहेको तीन तले पक्की घर बाढीले बगाएको हो ।

सिन्धुपाल्चोक प्रहरीका अनुसार एक हप्ताअघि आएको बाढीका कारण जोखिममा परेको सो घर शनिबारको बाढीले बगाएको हो ।

घरका मानिसहरु अन्यत्र स्थानान्तरण भइसकेकाले मानवीय क्षति भने भएको छैन ।