सर्वोच्चले ६५ वर्ष माथिका नागरिकलाई दोस्रो डोज खोप लगाउन दियो अन्तरिम आदेश

काठमाडौँ, ८ असार । सर्वोच्च अदालतले ६५ वर्षभन्दा माथिका जेष्ठ नागरिकलाई कोरोनाभाइरस विरुद्धको खोपको दोस्रो डोज लगाउन सरकारलाई अन्तरिम आदेश जारी गरेको छ ।

मंगलबार न्यायाधीश ईश्वरप्रसाद खतिवडाको इजलासले यस्तो आदेश जारी गरेका हुन् । सरकारले ६५ वर्ष माथिका नागरिकलाई फागुन २३ गते पहिलो डोज खोप उपलब्ध गरेको थियो । दोस्रो डोज खोप लगाउन नपाएपछि सर्वोच्चमा रिट परेको थियो ।