काठमाडौं, ८ असार । भारतले सीमावर्ती क्षेत्रमा बलमिच्याइँपूर्वक सडक बनाइरहेका बेला नेपालले भने सेनामार्फत आफ्नै भूमिमा निर्माण गर्न लागिएको दार्चुला–टिंकर ‘रणनीतिक सडक’ का लागि भारतको समन्वय खोजी गरेको छ ।
भारतले सडक खन्नेक्रममा आफूलाई आवतजावत र ढुवानी गर्न सहज होस् भनेर दुई वर्षअघि नेपाली भूमि ब्यास गाउँपालिका–२ स्थित बयलीधार क्षेत्रमा बनाएको पहुँच मार्ग (बायाँ) र महाकाली पारि भारतले सडक बनाउन फोड्दै गरेको चट्टानी पहाड (दायाँ) । फाइल तस्बिर : मनोज बडु/कान्तिपुर
नेपालले आफ्नो राष्ट्रहितअनुसार रणनीतिक महत्त्वको सडक बनाउन सक्ने भए पनि दार्चुला–टिंकरमा भारततर्फ समस्या पर्न सक्ने भन्दै गृह मन्त्रालयले परराष्ट्र मन्त्रालयलाई कूटनीतिक समन्वयका लागि पहल गर्न आग्रह गरेको छ । भारतले भने यस्तै रणनीतिक महत्त्वको सडक बनाउँदा समन्वयको खोजी त परै जाओस्, नेपालले गरेका पत्राचारको समेत बेवास्ता गर्दै आएको छ ।
महाकाली लोकमार्गअन्तर्गत दार्चुलाको व्यास गाउँपालिका–२ मा पर्ने कोठेधारदेखि नेपाल–चीन सीमानाका टिंकरसम्मको ८७ किमि प्रस्तावित रणनीतिक सडकमध्ये ५५ किमि महाकाली नदी वारि पर्छ । कोठेधारदेखि महाकाली नदी किनार र कतै भित्री क्षेत्र हुँदै बनाइने सडकले व्यास गाउँपालिका–१, छाङरु (गागा) स्थित नेपाल–भारत सीमाको सीतापुल वारिसम्म जोड्छ । नेपालतर्फ सडक निर्माण गर्दा भारतलाई असर पुग्ने अनुमानमा उसको भूमिका खोजिएको हो ।
गृह मन्त्रालयले ‘कोठेधारदेखि टिंकरसम्मको सडक निर्माणका क्रममा विस्फोटक पदार्थ प्रयोग गर्दा नदी किनारका दुवैतर्फका बाटो अवरोध हुने’ अनुमान गर्दै असार १ गते परराष्ट्र मन्त्रालयलाई पत्र लेखेर दुवै देशका प्रतिनिधिबीच कूटनीतिक समन्वयका लागि पहल गर्न भनेको हो । पत्रमा कुन किसिमको समन्वय गर्ने भन्ने उल्लेख छैन । महाकाली नदीबाट नेपालतर्फ कति उचाइमा बाटो खन्ने, पारिपट्टि भारतको सडकभन्दा तल वा माथि कुन तहमा निर्माण गर्ने, नेपाली सेनाको स्वविवेकमा चट्टान फोर्न पाउने/नपाउने जस्ता विषयमा भारतले व्यवधान खडा गर्ने अनुमान गरिएको छ ।
यस विषयमा सेनाले भने अनभिज्ञता जनाएको छ । सैनिक प्रवक्ता सहायक रथी सन्तोषबल्लभ पौडेलले सरकारबाट प्राप्त जिम्मेवारीअनुसार उक्त क्षेत्रको सडक निर्माण आर्थिक वर्ष २०७८/७९ बाट अघि बढाउन लागिएको जानकारी दिँदै अरू विषय आफूहरूलाई जानकारीमा नआएको प्रतिक्रिया दिए । उनले काठेधारदेखि टिंकरसम्म १० मिटर चौडा रहने गरी ट्र्याक खोल्ने काम सुरु गर्न लागिएको बताए । कान्तिपुर दैनिकले खबर छापेको छ ।
किन बढ्दैछ विश्वभर प्रोस्टेट क्यान्सर ?
जरलहवामा आगलागीबाट दुई वटा बस्ती नै खरानी, ९७ घर जले
प्रहरी चौकी भवन निर्माण ५ वर्षदेखि अलपत्र
अन्तरिक्ष यात्रामा जाँदै सुनिता विलियम्स
बक्सिङ टोली उज्वेकिस्तान प्रस्थान
घट्यो सुनचाँदीको मूल्य
यस्तो छ आजको विदेशी मुद्रा विनिमय दर
विकु लामाको ‘सुनको सिक्री’ गीत सार्वजनिक
सिटिजन्स बैंकका ग्राहकलाई काठमाडौंका विभिन्न संघ संस्थामा विशेष छुट
लक्ष्मी सनराइज बैंकको काठमाडौं उपत्यकाभित्र २ वटा शाखा स्थानान्तरण
आफ्ताब आलमलाई जन्मकैदको फैसला
सुनिल पौडेललाई थुनामा राख्न आदेश
शरणार्थी प्रकरण : आङटावा शेर्पा र गोविन्द चौधरीलाई धरौटीमा छाड्न आदेश
टोपबहादुर रायमाझीसहित ७ जनालाई थुनामै राख्न अदालतको आदेश
