काठमाडौँ, ६ असार । काठमाडौँ उपत्यकामा थप ७ दिन निषेधाज्ञा बढाउने निर्णय गरिएको छ ।
उपत्यकाका तीन प्रमुख जिल्ला अधिकारीहरुको आइतनबार बसेको बैठकले निषेधाज्ञा बढाउने निर्णय गरेको हो ।
तर अबको निषेधाज्ञामा भने सवारी साधनलाई पनि जोर बिजोर प्रणाली लागू गरेर चल्न दिइने निर्णय गरिएको छ ।
त्यस्तै, बार तोकेर पसल खोल्न दिने पनि निर्णय भएको छ ।
जसअनुसार आइतबार, मंगलबार र बिहिबार सुन पसल, भाँडा भान्सा, विद्युतिय सामग्री, अटोमोबाइल शो रुम, मोटस पार्टस र इलेक्टोनिक्स सामग्री र कम्युटर पसल खोल्न पाइन्छ ।
त्यस्तै, सोमबार र वुधवार डिपार्टमेन्टल स्टोर, सपिङ मल र खेलकुद सामग्री पसल खोल्न दिने निर्णय गरिएको छ ।
नयाँ निर्णयअनुसार खुल्ने दिइने पसलहरु भने विहान ११ बजेदेखि अपराह्न ४ बजेसम्म खोल्ने दिने निर्णय भएको बताइएको छ ।
यद्यपि किराना, खाद्यान्न र स्टेशनरी पसलको हकमा भने पुरानै निर्णय कायम हुनेछ ।
जसअनुसार ति पसलहरु भने जेठ ३० गतेको निर्णयअनुसार बिहान ११ बजेसम्म खोल्न दिइनेछ ।